Rahul Gandhi Parbhani Visit: या दौऱ्यात राहुल गांधी सोमनाथ सूर्यवंशी यांच्या कुटुंबीयांची भेट घेणार असल्याचे जाहीर करण्यात आले आहे. राहुल गांधी यांच्यासोबत राज्यातील अनेक नेते या दौऱ्याप्रसंगी उपस्थित राहणार असल्याचे पक्षाकडून सांगण्यात आले आहे.
परभणी येथील सोमनाथ सूर्यवंशी यांच्या मृत्यूप्रकरणानंतर राजकीय वातावरण तापले आहे. काही दिवसांपूर्वीच राष्ट्रवादी काँग्रेस शरदचंद्र पवार पक्षाचे राष्ट्रीय अध्यक्ष शरद पवार यांनी परभणी येथे सूर्यवंशी कुटुंबीयांची भेट घेतली होती. पवार यांच्या पाठोपाठ उपमुख्यमंत्री अजित पवार यांनीही या ठिकाणी भेट दिली होती. त्यानंतर आता राहुल गांधी यांनी सोमनाथ सूर्यवंशी यांच्या कुटुंबीयांची भेट घेण्याचे निश्चित केले आहे.
माउलींच्या ओढीने चिमुकली पोहोचली आळंदीत; घरी न आल्याने पालकांकडून हरवल्याची तक्रार
त्यानुसार राहुल गांधी यांच्या कार्यालयाने जाहीर केलेल्या वेळापत्रकानुसार सोमवार, २३ डिसेंबर रोजी राहुल गांधी दुपारी १२.३० वाजताच्या सुमारास नांदेड येथे विमानाने दाखल होणार असून त्यानंतर ते दुपारी सव्वा दोनच्या सुमारास परभणी येथे पोहोचणार आहेत. दुपारी अडीचच्या सुमारास राहुल गांधी सोमनाथ सूर्यवंशी यांच्या घरी जाऊन त्यांच्या कुटुंबीयांशी संवाद साधतील आणि त्यांचे सांत्वन करणार असल्याचे सांगण्यात आले आहे. त्यानंतर दुपारी तीनच्या सुमारास विजय वाकोडे यांच्या कुटुंबीयांचीही ते भेट घेणार असून संध्याकाळी ७.३० च्या विमानाने नांदेडहून दिल्लीला रवाना होणार असल्याचे त्यांच्या कार्यालयाने जाहीर केले आहे.
लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाइनमध्ये कन्सल्टंट म्हणून कार्यरत असून पत्रकारितेमध्ये पदव्युत्तर शिक्षण पूर्ण केले आहे. ऑनलाइन माध्यमांमध्ये फ्रीलान्सिंगचा २ वर्षांचा अनुभव आहे आणि आता मटा ऑनलाइनमध्ये आहे. जनरल बातम्यासोबतच गुन्हेगारीविषयक बातम्यांमध्ये रस.… आणखी वाचा