एसएमएसद्वारे जाळ्यात ओढले

पोलीस ठाण्यातून मिळालेल्या माहितीनुसार, डोंबिवलीतील सुनीलनगर परिसरात राहणाऱ्या स्मिता राणे या नोकरदार महिलेला गेल्या आठवड्यात त्यांच्या पतीच्या मोबाईलवर एक एसएमएस प्राप्त झाला. ‘तुम्ही भरलेले महानगर गॅसचे देयक आमच्याकडे दिसत नाही. तातडीने अपडेट न केल्यास तुमचे गॅस कनेक्शन बंद करण्यात येईल,’ असा इशारा त्या संदेशात देण्यात आला होता. सध्या गॅस तुटवड्याच्या चर्चेमुळे आधीच चिंता निर्माण झाल्याने स्मिता राणे यांनी घाईघाईत त्या मेसेजमधील मोबाईल क्रमांकावर संपर्क साधला.

लिंक पाठवून घेतली कार्डची माहिती

फोनवरील व्यक्तीने स्वतःला महानगर गॅस कंपनीचा प्रतिनिधी असल्याचे सांगत त्यांना विश्वासात घेतले. तांत्रिक अडचणीमुळे त्यांचे बिल सिस्टममध्ये दिसत नसल्याचे सांगून त्यासाठी ऑनलाईन प्रक्रिया करावी लागेल, असे सांगण्यात आले. बोलता बोलता भामट्याने त्यांना एक लिंक पाठवली. ती लिंक उघडल्यानंतर स्मिता राणे यांनी त्यात डेबिट आणि क्रेडिट कार्डची माहिती भरली.

Solapur News : पत्नी पोलीस दलात, स्वत: एसआरपीएफमध्ये; जवानाने अचानक स्वतःला संपवलं, हसता-खेळता संसार उद्ध्वस्त

खात्यातून काढले तीन लाख

यानंतर प्रक्रिया पूर्ण होत नसल्याचे सांगत भामट्याने त्यांना फोनवरच गुंतवून ठेवले. त्याच दरम्यान त्यांच्या क्रेडिट कार्डमधून २ लाख रुपये आणि डेबिट कार्डमधून ९९ हजार ५०० रुपये, असे एकूण २ लाख ९९ हजार ५०० रुपये त्यांच्या खात्यातून काढून घेतले. काही वेळाने बँकेचे व्यवहाराचे मेसेज मोबाईलवर आल्यानंतर आपली फसवणूक झाल्याचे स्मिता राणे यांच्या लक्षात आले.

Nashik News : डॉ. मनिषा जेजुरकर प्रकरणात निलेश जेजुरकरांना अटकेपासून तात्पुरता दिलासा, नातेवाईकांनी केलेले गंभीर आरोप

रामनगर पोलिसांत गुन्हा

घडलेल्या प्रकारानंतर त्यांनी तातडीने रामनगर पोलीस ठाणे गाठून तक्रार दाखल केली. पोलिसांनी अज्ञात सायबर भामट्यांविरोधात गुन्हा नोंदवून पुढील तपास सुरू केला आहे.