१० वर्षीय रुद्र हा पाचोरा शहरातील भडगाव रोडवरील राजीव गांधी कॉलनीत आपले आईवडील, भाऊ आणि आजीसोबत वास्तव्यास होता. तो शिंदे माध्यमिक विद्यालयात इयत्ता तिसरीत शिकत होता. शुक्रवारी सायंकाळी ५ वाजेच्या सुमारास शाळा सुटल्यानंतर रुद्र हा सायकल घेऊन शक्तीधामच्या दिशेने खेळण्यासाठी निघाला. पण समोरुन येणाऱ्या भरधाव ट्रॅक्टरला पाहून रुद्रचा सायकलवरुन तोल गेला आणि तो थेट ट्रॅक्टरच्या मोठ्या चाकाखाली आला. यामध्ये त्याच्या डोक्याचा अक्षरश: चेंदामेंदा झाला.
Fact Check : AI इंजिनिअर अतुल सुभाष यांच्या पत्नी निकिता सिंघानियाचा फेक फोटो व्हायरल? फोटोचं सत्य जाणून घ्या
या दुर्दैवी घटनेची माहिती मिळताच रुद्रचे आईवडील घटनास्थळी झाले तेव्हा त्यांनी हंबरडा फोडला. घटनास्थळाहून रुद्रचा मृतदेह मुकेश पाटील (पुनगाव) यांनी रुग्णवाहिकेतून पाचोरा ग्रामीण रुग्णालयात दाखल केला. रुद्रच्या कुटुंबीयांसह परिसरात शोककळा पसरली आहे.

घटनेप्रकरणी पाचोरा पोलिस स्टेशनमध्ये जितेंद्र गोसावी यांच्या तक्रारीवरुन ट्रॅक्टर चालक विजय उर्फ बबलु अशोक थोरात यांच्याविरुद्ध गुन्हा दाखल करण्यात आला आहे. तर घटनेचा पुढील तपास सहाय्यक फौजदार पांडुरंग सोनावणे करत आहेत.