आपल्या देशात पाण्याची कमी नाही तर पाण्याच्या नियोजनाची कमी आहे काँग्रेसने याकडे कधीच लक्ष दिले नाही, असा आरोप त्यांनी केला. देशात 23 राज्यांमध्ये पाण्याचे वाद सुरू होते. त्यावेळेस हे भांडण सोडवण्यासाठी मी दोन राज्याच्या मुख्यमंत्र्यांना केबिनमध्ये बोलवायचो आणि दरवाजा बंद करून त्यांना सांगायचं जोपर्यंत तुम्ही तोडगा काढत नाही तोपर्यंत दररोजच उघडत नाही अशा पद्धतीने मी 17 राज्यांचे वाद मिटवल्याची आठवण गडकरींनी सांगितली.
मकरंद पाटलांना आज झोप लागणार नाही, भर सभेत शरद पवारांनी काहीच शिल्लक ठेवले नाही; शेवटी गावचा सरपंच…
ह्या गोष्टी काँग्रेसला करता आल्या असत्या मात्र त्यांनी त्या केल्या नाहीत. काँग्रेसच्या चुकीच्या आर्थिक धोरणांमुळे आणि बॅड अँड करप्ट गव्हर्नन्स यामुळे देशाचा सत्यानाश झाल्याची टीका गडकरींनी केली. काँग्रेसने गरिबी हटवता नारा दिला पण गरिबी काही हटली नाही. शेतकरी, मुस्लिम, दलितांची गरिबी हटली नाही.पण आज आपण देशांमध्ये नवीन आर्थिक धोरण स्वीकारल्यामुळे आपला ग्रोथ रेट वाढला. कोविड नंतर जगाला चीन पेक्षा भारताचे महत्त्व कळाल्याचे ते म्हणाले.

लोकसभा निवडणुकीत काँग्रेसवाल्यांनी विष पेरण्याचे काम केले. त्यांनी सांगितले डॉक्टर बाबासाहेब आंबेडकरांचे संविधान भारतीय जनता पक्ष सत्तेत आला तर बदलतील आम्ही संविधान बदलणार नाही कुणाला बदलून देणार नाही आणि कुणाची बदलण्याची हिंमत देखील नाही. इंदिरा गांधी यांची रायबरेली विधानसभा मतदारसंघाची निवडणूक इलाहाबाद हायकोर्टाने अवैध ठरवली होती. तेव्हा याच काँग्रेस पार्टीने बाबासाहेब आंबेडकरांच्या संविधानाची धज्जीया उडवल्या स्वतःच्या स्वार्थासाठी संविधानात अनेक सुधारणा केल्या, त्याचा स्पिरीट खराब करून टाकले. मात्र जनता पक्षाचे सरकार आल्यानंतर पुन्हा एकदा त्या दुरुस्त्या आमच्या सरकारने केले आणि संविधान पूर्ववत केल्याचे गडकरी यांनी सांगितले.
स्वार्थासाठी,सत्तेत येण्यासाठी आमची फसवणुक केली; शरद पवारांकडून जाहीर सभेत तटकरेंचा समाचार
ज्यांनी संविधान तोडण्याचे पाप केले, ज्यांनी संविधान तोडण्याचं काम केले, त्याचा संविधानाची कॉपी घेऊन त्याचा दुष्प्रचार करतात असल्याचा टोला गडकरी यांनी लगावला. जेव्हा कन्व्हेज करता येत नाही, तेव्हा कन्फ्युज करण्याचे काम काँग्रेस करत आहे.
तुम्ही महाराष्ट्रातील सरकार पैशांच्या जोरावर चोरले; प्रियांका गांधींचा कोल्हापुरातून थेट PM मोदींवर हल्ला
पुण्यातील या गोष्टीचे वाईट वाटते

मी 54 हजार कोटींचे काम फक्त पुणे आणि पिंपरी चिंचवड साठी मंजूर केली आहेत. येत्या काळात पुण्यामध्ये एक लाख कोटी रुपयांचे काम करणार आहे आणि माझे भाषण रेकॉर्ड करून ठेवा. मी फोकनाळ मारणारा नेता नाही. मी जे बोलतो ते शंभर टक्के करून दाखवतो. आपल्या देशात पैशाची कमी नाही तर इमानदारीने काम करणाऱ्या लोकांची कमी आहे. मी पुण्यात येतो तेव्हा मला सगळ्यात जास्त कोणत्या गोष्टीचा वाईट असेल तर ते म्हणजे पुण्यातील प्रदूषणाचे होय. माझी बहीण स्वारगेटला राहायची, मी तिच्या घरातून पर्वती पहायचो इतके शुद्ध हवा पुण्यात होती अशी आठवण गडकरींनी सांगितली.