शुभम बोडके, नाशिक : नाशिक शहरातील जीवनवाहिनी म्हणून शहर बससेवा ओळखली जाते. मात्र याच शहर बस सेवेतील वाहक कर्मचाऱ्यांचा पगार न मिळाल्यामुळे हे कर्मचारी संपावर गेले आहेत. मागील सात दिवसांपासून शहर बस सेवेतील कर्मचाऱ्यांनी संपाचे हत्यार उपसले आहे आहेत. त्यामुळे नाशिककरांचे अतोनात हाल होत आहेत.नाशिक शहर बससेवा कर्मचाऱ्यांचे आंदोलन सलग सातव्या दिवशीही सुरूच आहे. नाशिक शहरातील सिटीलींक बस कर्मचाऱ्यांनी काल ठिय्या आंदोलन केले. मात्र तरीही प्रशासनाने कोणतेही ठोस पाऊले उचलली नाहीत. त्यामुळे आजच्या सातव्या दिवशी देखील शहर बससेवा कर्मचाऱ्यांनी संप सुरूच ठेवला आहे. पगार आणि पीएफसह इतर मागण्यांसाठी या आंदोलकांचं आंदोलन सुरू आहे. आमच्या मागण्या पूर्ण होईपर्यंत आंदोलन सुरूच ठेवण्याच्या भूमिकेवर हे कर्मचारी आहेत. शहरातील बससेवा मात्र संपूर्णतः ठप्प असून प्रवाशांना मोठा फटका बसत आहे.
१० वर्षात एकही सुट्टी नाही, अहोरात्र काम, अनेक नेते पाहिले पण मोदींना दैवी शक्ती, अजितदादांचं भाजप नेत्यांना लाजवणारं भाषण

नाशिक शहरातील तब्बल १०० बस या बंद आहेत. वाहकांचे पगार वेळेत होत नसल्याने वाहक कर्मचाऱ्यांनी संप पुकारला आहेत. नाशिक महानगरपालिकेचा ड्रीम प्रोजेक्ट म्हणून शहर बस सेवेला ओळख निर्माण झाली. मात्र, ही बस सेवा तब्बल १०० कोटींच्या तोट्यात सुरू आहे. मात्र, नाशिककरांच्या पदरी बससेवा सुरू होऊन देखील निराशाच पडली आहे. नाशिककरांनी मात्र या सततच्या संपावर प्रशासनालाच सुनावल्याचं पाहायला मिळतंय.

मागील वर्षात आठवेळा शहर बससेवेतील कर्मचाऱ्यांनी संप पुकारला. मात्र, या वेळेचा संप सर्वात मोठा संप असून सलग सातव्या दिवशी शहर बस सेवा ठप्प आहेत. निवडणुकीच्या तोंडावर सत्ताधारी भाजप मात्र प्रकल्पांची घोषणा करताना पाहायला मिळाली आणि भाजपचा नाशिक शहरातील ड्रीम प्रोजेक्ट म्हणून ओळख असलेल्या शहर बस सेवा प्रकल्प मात्र बंद पडण्याच्या अवस्थेत असल्याचं पाहायला मिळत आहे.