म. टा. प्रतिनिधी, पुणे : अजित पवार आणि सुनेत्रा पवार यांचे सुपुत्र ‘पार्थ पवार यांचा सध्या गुप्तपणे प्रचार करीत आहेत. त्यांचा प्रचार सुरू आहे’, अशा शब्दांत मिश्किल टिपण्णी अजित पवार यांनी केली. सुनेत्रा पवारांच्या संपूर्ण प्रचारात सध्या पार्थ पवार कोठेच दिसत नाही, याबाबत विचारता अजित पवारांनी टिपण्णी करून अधिक बोलणे टाळले.सुप्रिया सुळे यांच्या प्रचारात अजित पवार यांचे बंधू श्रीनिवास पवार, त्यांच्या पत्नी शर्मिला, मुलगा युगेंद्र तसेच रोहित, राजेंद्र पवार आणि सुनंदा पवार प्रचारात सक्रिय झाल्या आहेत. त्या पार्श्वभूमीवर पार्थ पवार कोठेच दिसत नसल्याकडे अजित पवार यांचे लक्ष वेधता त्यांनी गमतीशीर उत्तर दिले.
१० वर्षात एकही सुट्टी नाही, अहोरात्र काम, अनेक नेते पाहिले पण मोदींना दैवी शक्ती, अजितदादांचं भाजप नेत्यांना लाजवणारं भाषण

खडकवासला मतदारसंघातील महायुतीच्या समन्वयकांची बैठक धायरी येथे घेण्यात आली. त्यानंतर ते पत्रकारांशी बोलत होते. सर्वोच्च न्यायालयाने घड्याळाचे चिन्ह वापरण्याबाबत काही अटी दिल्या आहेत. त्यासंदर्भात विचारता, ‘ज्या घड्याळ चिन्ह वापरताना त्याची जाहिरात देण्याची सूचना करण्यात आली आहे. त्याबाबत ठरले,’ असे अजित पवार यांनी सांगितले. तिकिट वाटपाबाबत विचारता, ‘आम्ही दिल्लीला जाणार होतो. एकनाथ शिंदे, देवेंद्र फडणवीस, मी , चंद्रशेखर बावनकुळे आणि सुनील तटकरे असे आम्ही सर्व जणांनी जाणे अपेक्षित आहे. मुख्यमंत्र्यांशी माझी चर्चा होऊ शकली नाही. देवेंद्र फडणवीस यांच्याशी चर्चा झाली आहे. दोन दिवसांत जागा वाटपाची चर्चा होईल,’ असे अजित पवार यांनी स्पष्ट केले.

महायुतीत ‘त्यांचे’ स्वागतराज ठाकरे महायुतीत येत आहेत याबाबत विचारता, राज ठाकरे महायुतीत येत आहे अशी चर्चा चालू आहे. शेवटी काय चर्चा झाली आहे हे कळायला माहिती नाही. त्यांची अजून एक बैठक होणार आहे, असे वर्तमानपत्रातून कळले. युती किंवा एनडीएमध्ये कोणी आले तर त्याची बेरीज होत असते. त्याचा फायदा होत असतो. त्यामुळे येणाऱ्यांचे स्वागत आहे, अशा शब्दांत राज यांचे नाव न घेता अजित पवार यांनी प्रतिक्रिया दिली.