निलेश पाटील, जळगाव: मुक्ताईनगर येथे विविध विकासकामांच्या भूमिपूजन आणि लोकार्पणासाठी मुख्यमंत्री एकनाथ शिंदे आज मुक्ताईनगरमध्ये दाखल झाले आहेत. या सभेला मतदारसंघातील सर्व बचत गट महिला यांना सभेला येण्यास सक्ती करण्यात आल्याचा दावा राष्ट्रवादी शरद चंद्र पवार गटाच्या प्रदेशाध्यक्ष एडवोकेट रोहिणी खडसे खेवलकर यांनी केला आहे. त्यासंबंधीची एक ऑडियो क्लिपही त्यांनी फेसबुकवर शेअर केली आहे, ज्यामध्ये त्या स्वत: स्टिंग ऑपरेशन करताना दिसत आहेत.काय आहे नेमकं प्रकरण?
जळगावातील मुक्ताईनगरात आज मुख्यमंत्री एकनाथ शिंदेंची सभा आहे. यावेळी ते विविध विकासकामांचे भूमिपूजन आणि लोकार्पण करणार आहेत. या कार्यक्रमाला येण्यासाठी बचत गटातील महिलांना सक्ती करण्यात आल्याचा दावा रोहिणी खडसे यांनी केला आहे. जी महिला येणार नाही तिच्याकडून ५० रुपये दंड आकारण्यात येईल, असाही दावा त्यांनी केला आहे. त्यासंबंधीची एक ऑडियो क्लिप त्यांनी सोशल मीडियावर शेअर केली आहे. तसेच, यावर मुख्यमंत्री एकनाथ शिंदे काय उत्तर देतील, असा सवालही त्यांनी उपस्थित केला आहे.
या ऑडियो क्लिपमध्ये रोहिणी खडसे या स्वत: बचत गटातील महिला बनून फोनवरुन संबंधित महिलेशी बोलताना ऐकू येतात. त्यानंतर त्या सांगतात की मी रोहिणी खडसे बोलतेय. अशा प्रकारे दमदाटीकरुन महिलांना घेऊन जाणं चुकीचं आहे, कशासाठी ५० रुपये दंड आकारताय, कोणी सांगितलं तुम्हाला मुख्यमंत्र्यांनी सांगितलं का, असा सवालही त्यांनी त्या महिलेला केला. तसेच, दंड आकारण्याचा अधिकार तुम्हाला कोणी दिला, असं म्हणत रोहिणी खडसे यांनी त्या महिलेला खडसावलं.
जळगावातील मुक्ताईनगरात आज मुख्यमंत्री एकनाथ शिंदेंची सभा आहे. यावेळी ते विविध विकासकामांचे भूमिपूजन आणि लोकार्पण करणार आहेत. या कार्यक्रमाला येण्यासाठी बचत गटातील महिलांना सक्ती करण्यात आल्याचा दावा रोहिणी खडसे यांनी केला आहे. जी महिला येणार नाही तिच्याकडून ५० रुपये दंड आकारण्यात येईल, असाही दावा त्यांनी केला आहे. त्यासंबंधीची एक ऑडियो क्लिप त्यांनी सोशल मीडियावर शेअर केली आहे. तसेच, यावर मुख्यमंत्री एकनाथ शिंदे काय उत्तर देतील, असा सवालही त्यांनी उपस्थित केला आहे.
या ऑडियो क्लिपमध्ये रोहिणी खडसे या स्वत: बचत गटातील महिला बनून फोनवरुन संबंधित महिलेशी बोलताना ऐकू येतात. त्यानंतर त्या सांगतात की मी रोहिणी खडसे बोलतेय. अशा प्रकारे दमदाटीकरुन महिलांना घेऊन जाणं चुकीचं आहे, कशासाठी ५० रुपये दंड आकारताय, कोणी सांगितलं तुम्हाला मुख्यमंत्र्यांनी सांगितलं का, असा सवालही त्यांनी त्या महिलेला केला. तसेच, दंड आकारण्याचा अधिकार तुम्हाला कोणी दिला, असं म्हणत रोहिणी खडसे यांनी त्या महिलेला खडसावलं.
रोहिणी खडसे यांनी शेअर केलेली ऑडियो क्लिप
‘मुख्यमंत्र्यांच्या आज होणाऱ्या मुक्ताईनगर येथील कार्यक्रमाला उपस्थित राहण्यासाठी महिला बचत गटाच्या महिलांना जबरदस्ती केली जातेय, नाही आलात तर कोणतेही कारण चालणार नाही. उपस्थित नाही राहीला तर ५० रुपये दंड आकारण्यात येईल. आजारी आहे, लग्न आहे, जमले नाही अशी कारणे ऐकून घेतली जाणार नाही. मला दंड घेता येतो. अशा प्रकारची धमकी एका महिला कार्यकर्ती देत असल्याचे मला सकाळपासून किमान ७-८ महिलांनी सांगितले. त्यानंतर मी त्यांच्याकडून संबंधीत महिलेचा नंबर घेतला. त्यानंतर मी त्या महिलेशी सुरुवातीला डमी नावाने फोनवर केलेला हा संवाद…
अशा पद्धतीने गर्दी जमविण्याचा खटाटोप कशासाठी? माननीय मुख्यमंत्री साहेब यावर काही बोलतील काय?’, असं कॅप्शन देत रोहिणी खडसे यांनी ही ऑडियो क्लिप शेअर केली.