नाशिक: उत्तर भारतात जोरदार अवकाळी पावसाचा इशारा भारतीय हवामान विभागाने दिल्यानंतर त्याचा प्रतिकूल परिणाम मध्य भारतातही जाणवत आहे. त्यामुळे नाशिकमध्येही दोन दिवसांपासून ढगाळ वातावरण निर्माण झाले आहे. अवकाळीचे ढग दाटले असले, तरी तुरळक ठिकाणी हलक्या पावसाची शक्यता असल्याचे हवामान विभागाने सांगितले. त्यामुळे नाशिकमध्ये तापमान स्थिर असले, तरी ढगाळ हवामानामुळे गारठा जाणवत आहे.
थंडीचा कडाका कमी होताना गार वाऱ्यांचा प्रवास उत्तरेकडून दक्षिणेकडे होत असल्याने हवामानात बदल जाणवत आहेत. नाशिकमध्ये शनिवारी (दि. १७) १६.८ अंश सेल्सियस किमान तापमानाची नोंद झाली. तर सलग दोन दिवसांपासून शहरात आर्द्रता ३५ ते ६० टक्क्यांपर्यंत आहे. त्यामुळे पहाटे काहीसे ढगाळ वातावरण जाणवले. तर वाऱ्यांचा वेग अधिक असल्याने वाढलेल्या तापमानातही गारठा जाणवत आहे. दरम्यान, शनिवारी मालेगावात १६.८, जळगावमध्ये १८, अहमदनगरात १४.३, महाबळेश्वरमध्ये १७.६, नागपुरात १९.६ तर मुंबईत २२ अंश सेल्सियस किमान तापमानाची नोंद झाली. पुढील तीन-चार दिवस राज्यातील अनेक शहरात अंशत: ढगाळ वातावरणाची शक्यता आहे. अवकाळी पावसाचा अंदाज हवामान विभागाने वर्तवला नसला, तरी बदलत्या तापमानामुळे साथीच्या आजारांत वाढ होण्याची शक्यता आहे.
थंडीचा कडाका कमी होताना गार वाऱ्यांचा प्रवास उत्तरेकडून दक्षिणेकडे होत असल्याने हवामानात बदल जाणवत आहेत. नाशिकमध्ये शनिवारी (दि. १७) १६.८ अंश सेल्सियस किमान तापमानाची नोंद झाली. तर सलग दोन दिवसांपासून शहरात आर्द्रता ३५ ते ६० टक्क्यांपर्यंत आहे. त्यामुळे पहाटे काहीसे ढगाळ वातावरण जाणवले. तर वाऱ्यांचा वेग अधिक असल्याने वाढलेल्या तापमानातही गारठा जाणवत आहे. दरम्यान, शनिवारी मालेगावात १६.८, जळगावमध्ये १८, अहमदनगरात १४.३, महाबळेश्वरमध्ये १७.६, नागपुरात १९.६ तर मुंबईत २२ अंश सेल्सियस किमान तापमानाची नोंद झाली. पुढील तीन-चार दिवस राज्यातील अनेक शहरात अंशत: ढगाळ वातावरणाची शक्यता आहे. अवकाळी पावसाचा अंदाज हवामान विभागाने वर्तवला नसला, तरी बदलत्या तापमानामुळे साथीच्या आजारांत वाढ होण्याची शक्यता आहे.
काय आहे कारण?
उत्तर-पश्चिम भारतात १९ ते २२ फेब्रुवारी दरम्यान अवकाळी पावसाची शक्यता आहे. तर ईशान्य भारतात २१ ते २४ फेब्रुवारी दरम्यान हलका ते मध्यम अवकाळी पावसाची शक्यता आहे. पश्चिम हिमालयीन भागातील जम्मू काश्मीर, लडाख, हिमाचल प्रदेश, उत्तराखंडमध्ये बर्फवृष्टीसह मुसळधार पावसाचा अंदाज भारतीय हवामान विभागाने वर्तवला आहे. यासह उत्तराखंड, पंजाब, हरियाणा, पश्चिम उत्तर प्रदेश, दिल्ली, राजस्थान, बिहार आणि ओडिशाच्या भागात १९ ते २१ फेब्रुवारी दरम्यान गारपीट व मुसळधारेचाही इशारा देण्यात आला आहे.
हवामानाचा अंदाज
किमान तापमान १४ ते १६ दरम्यान राहणार
२२ फेब्रुवारीनंतर काहीअंशी तापमानात घट
१८ फेब्रुवारी : अंशत: ढगाळ
१९ फेब्रुवारी : दुपारी अंशत: ढगाळ
२० फेब्रुवारी : धुक्याची शक्यता. अंशत: ढगाळ
२१ फेब्रुवारी : निरभ्र आकाश
उत्तर भारतात पावसाचा इशारा देण्यात आला आहे. ‘वेस्टर्न डिस्टर्बन्स’मुळे हवामानात बदल होत आहेत. नाशिकमध्ये तुरळक ठिकाणी हलका ते मध्यम स्वरुपाच्या पावसाची शक्यता आहे.