वीरेंद्र राघवेंद्रप्रसाद द्विवेदी (वय ४८, रा. गुलमोहर प्लाझा, विवेकानंद सोसायटी, पाषाण, मूळ रा. रेवा, मध्य प्रदेश) असे अपघाती मृत्यू झालेल्या व्यक्तीचे नाव आहे. त्यांचे भाऊ धिरेंद्र द्विवेदी (वय ४३, रा. मध्य प्रदेश) यांनी चतुःश्रृंगी पोलिस ठाण्यात तक्रार दिली आहे. त्यानुसार, कारचालक इशान विशाल सेठिया (वय १९, रा. वडगाव शेरी) याच्याविरोधात भारतीय न्याय संहिता व मोटार वाहन कायद्यानुसार गुन्हा दाखल करण्यात आला.

Pune Crime : लग्नाला अवघे काही महिने, नवऱ्याचं दुसऱ्या महिलेसोबत अफेअर, पतीचं कांड पाहून हादरली; पुण्यात नवविवाहेतेचं टोकाचं पाऊलपोलिसांनी दिलेल्या माहितीनुसार, वीरेंद्र द्विवेदी हे गेल्या अनेक वर्षांपासून पुण्यात वास्तव्यास होते. ते हिंजवडी येथील एका नामांकित कंपनीत आयटी अभियंता म्हणून कार्यरत होते. अविवाहित असलेले वीरेंद्र घरात एकटेच असायचे; पण त्यांच्या मनमिळाऊ स्वभावामुळे मित्रपरिवार मोठा होता. निरोगी दिनचर्येचा भाग म्हणून ते दररोज सकाळी मित्रांसोबत पाषाण परिसरात फिरायला जात असत. शनिवारी सकाळी नेहमीप्रमाणे ते एनडीए रस्त्याकडून पाषाणच्या दिशेने हनुमान मंदिराजवळील नेकलेस गार्डन परिसरातून ‘मॉर्निंग वॉक’ करीत होते. नेहमीप्रमाणे पहाटे मित्रांसमवेत गप्पा मारत सुरू झालेला हा ‘मॉर्निंग वॉक’ वीरेंद्र यांच्या आयुष्यातील अखेरचा ठरला. पाठीमागून आलेल्या भरधाव कारने त्यांना धडक दिली. त्यामुळे वीरेंद्र हवेत उडून रस्त्यावर दूर फेकले गेले. गंभीर दुखापत झाल्याने ते रक्ताच्या थारोळ्यात कोसळले.

Pune Crime : मैत्रिणीशी बोलल्याचा राग, पुण्यात MPSC करणाऱ्या विद्यार्थ्याला मध्यरात्री स्कॉर्पिओतून पळवून नेलं, 53 मिनिटात पोलिसांकडून सुखरुप सुटकाअपघातानंतर घाबरलेल्या कारचालकाने आणि वीरेंद्र यांच्या मित्रांनी त्यांना तातडीने जवळच्या एका खासगी रुग्णालयात नेले. तेथून पुढील उपचारासाठी औंध येथील जिल्हा रुग्णालयात हलवण्यात आले. मात्र, दुर्दैवाने उपचारांपूर्वीच त्यांचा मृत्यू झाल्याचे डॉक्टरांनी घोषित केले. अपघातात कारचालक इशान हादेखील जखमी झाला असून, त्याच्यावर एका खासगी रुग्णालयात उपचार सुरू आहेत.

अपघाताच्या घटनेला कारणीभूत ठरलेला कारचालक इशान सेठिया हा पुणे-मुंबई महामार्गावरील नामांकित ऑक्सफोर्ड महाविद्यालयात शिक्षण घेत आहे. त्याचे वडील एका खासगी कंपनीत वरिष्ठ पदावर कार्यरत आहेत.