‘राष्ट्रवादीचे नेते हसन मुश्रीफ, ७० हजार कोटी रुपयांच्या सिंचन घोटाळ्याचा आरोप असलेले अजित पवार, प्रताप सरनाईक, ईडीच्या रडारवर असलेले अनेकांची नावे आहेत. नैतिकतेचा मुद्दा असेल तर तुम्ही ज्यांच्यासोबत सरकार बनवले आहे. त्या सर्व भ्रष्ट पक्षांचे लोक तुमच्यासोबत आहे. म्हणून फडणवीस यांची नवी भूमिका ढोंग वाटते’, अशी टीका राऊत यांनी केली. ‘सध्या नागपूरला लबाड लांडगं ढोंग करतंय बाकी सर्व सोंग करतंय असा प्रकार सुरू आहे. मलिक हे राष्ट्रवादीचे आमदार असून, त्यांच्यावरील आरोप सिद्ध व्हायचे आहेत. आरोप सिद्ध झाल्याशिवाय त्यांना आरोपी ठरवता येत नाही’, असे राऊत म्हणाले. ‘…काय तर म्हणे सत्तेपेक्षा देश महत्त्वाचा असल्याची नवीन माहिती भाजपने दिली आहे. या देशातील १४० कोटी जनतेला देश महत्त्वाचा आहे हे माहीतच नव्हते’, असा टोलाही त्यांनी लगावला.