म. टा. प्रतिनिधी, नाशिक : बाजार समितीत टोमॅटोची आवक निम्म्याने घटली आहे. त्यामुळे गेल्या आठवड्यापासून टोमॅटोच्या दरांत पुन्हा वाढ होत आहे. बाजार समितीत टोमॅटोची पाचशे रुपये क्रेटप्रमाणे विक्री होत आहे तर किरकोळ बाजारात प्रतिकिलो टोमॅटोसाठी ६० ते ७० रुपये मोजावे लागत आहेत. गंगापूररोड आणि कॉलेजरोड परिसरात हेच दर ८० रुपयांपर्यंत पोहोचल्याने टोमॅटोचा ‘रुबाब’ पुन्हा वाढला आहे.
गेल्या महिन्यात टोमॅटोची आवक वाढली होती. मात्र, आता जिल्ह्यातील टोमॅटोचे उत्पन्न घटल्याने आवक प्रचंड विस्कळीत झाली आहे. त्यामुळे महिनाभरापासून गडगडलेल्या टोमॅटोची लाली पुन्हा परतण्यास सुरुवात झाली आहे. त्यामुळे उत्पादक शेतकऱ्यांना दिलासा मिळत असला तरी गृहिणींचे बजेट मात्र कोलमडणार आहे. पुढील काही दिवसांत दरांत अधिकची वाढ होणार असल्याने सर्वसामान्यांच्या ताटातून टोमॅटो गायब होण्याची चिन्हे आहेत. बाजार समितीत टोमॅटोला पाचशे ते आठशे रुपये क्रेटप्रमाणे दर मिळत आहे. भाजीबाजारात भेंडी, दोडके, गिलके, कारले आणि इतर सर्व भाज्याही साठीला टेकल्या आहेत.
रब्बीच्या स्वप्नावर कोसळले आभाळ; नाशिक जिल्ह्यात पावसाचा धिंगाणा, गारपिटीने पिकांची माती
जेवणाच्या ताटातून कांदा गायब
गेल्या महिन्यात टोमॅटोची आवक वाढली होती. मात्र, आता जिल्ह्यातील टोमॅटोचे उत्पन्न घटल्याने आवक प्रचंड विस्कळीत झाली आहे. त्यामुळे महिनाभरापासून गडगडलेल्या टोमॅटोची लाली पुन्हा परतण्यास सुरुवात झाली आहे. त्यामुळे उत्पादक शेतकऱ्यांना दिलासा मिळत असला तरी गृहिणींचे बजेट मात्र कोलमडणार आहे. पुढील काही दिवसांत दरांत अधिकची वाढ होणार असल्याने सर्वसामान्यांच्या ताटातून टोमॅटो गायब होण्याची चिन्हे आहेत. बाजार समितीत टोमॅटोला पाचशे ते आठशे रुपये क्रेटप्रमाणे दर मिळत आहे. भाजीबाजारात भेंडी, दोडके, गिलके, कारले आणि इतर सर्व भाज्याही साठीला टेकल्या आहेत.
रब्बीच्या स्वप्नावर कोसळले आभाळ; नाशिक जिल्ह्यात पावसाचा धिंगाणा, गारपिटीने पिकांची मातीजेवणाच्या ताटातून कांदा गायब
एक-दीड महिन्यांपासून कांदा दरांतही मोठी वाढ होत आहे. किरकोळ बाजारात कांदा ६० रुपये किलोवर जाऊन पोहोचला आहे. त्यामुळे ग्राहकांकडून आवश्यकतेनुसारच कांद्याची खरेदी केली जात आहे. याचबरोबर हॉटेलमध्येही जेवणाच्या ताटातून कांदा कमी झाला आहे. काही हॉटेल चालकांनी एक वाटी कांद्यासाठीही अधिकचे पैसे आकारण्यास सुरुवात केली आहे. अनेक हॉटेल्समध्ये कांद्याला पर्याय म्हणून कोबी दिली जात आहे.
असे आहेत दर (प्रति किलो/मोठी जुडी)
भाजी बाजार समिती गंगापूर रोड काठे गल्ली परिसर
भेंडी ४० ८० ६०
टोमॅटो ५० ते ६० ८० ६० ते ७०
कांदा ४० ६० ६०
गिलके ३० ८० ६०
दोडके ३० ८० ६०
वाटाणे ४० ८० ६०
गवार ६० १०० ८०
पालक १० २० १०
मेथी २५ ३० २०
शेपू १५ २० १५
कोथिंबीर २० ते ३० १० १०