पिंपरी : पिंपरी चिंचवड परिसरातून किरकोळ कारणावरून मारहाण केल्याची घटना समोर आली आहे. घरात आलेला क्रिकेट बॉल देण्यास नकार दिला म्हणून चार ते पाच जणांनी महिला व तिच्या पुतण्याला बॅटने मारहाण केल्याचा प्रकार समोर आला आहे. पिंपरी येथील संत तुकाराम नगर येथे हा प्रकार घडला आहे.
या प्रकरणी ओंकार सुतार, प्रथमेश बोंडे, श्रेयस राणे, निखिल थिटे, फुलारी इरान (सर्व रा. पिंपरी) यांच्याविरोधात पिंपरी पोलिसात गुन्हा दाखल करण्यात आला आहे. रविवार दि.१९ रोजी हा प्रकार घडला आहे. याबाबत महिलेने पिंपरी पोलिसात फिर्याद दिली आहे.
या प्रकरणी ओंकार सुतार, प्रथमेश बोंडे, श्रेयस राणे, निखिल थिटे, फुलारी इरान (सर्व रा. पिंपरी) यांच्याविरोधात पिंपरी पोलिसात गुन्हा दाखल करण्यात आला आहे. रविवार दि.१९ रोजी हा प्रकार घडला आहे. याबाबत महिलेने पिंपरी पोलिसात फिर्याद दिली आहे.
याबाबत पोलिसांनी दिलेली माहिती अशी की, रविवार दी. १९ रोजी आरोपी हे संत तुकारामनगर येथील अँथोनी गार्डन येथे क्रिकेट खेळत होते. मात्र ते क्रिकेट खेळत असताना त्यांचा बॉल फिर्यादी यांच्या घरात चार वेळा गेला. त्यांनी आरोपींना तुम्ही इथे क्रिकेट खेळू नका असे सांगत त्यांचा बॉल देण्यात नकार दिला. याचा आरोपींना राग आला. त्यावेळी त्यांनी फिर्यादी यांच्या अंगावर धावून गेले आणि त्यांना हाताने मारहाण केली आणि फिर्यादी यांच्या मुलाला लाकडी बॅटने नाकावर जोरात मारले त्यात त्याचे नाकाचे हाड फ्रॅक्चर झाले आहे. तसेच फिर्यादी यांच्या पुतण्याला देखील लाकडी बॅट आणि स्टॅम्पने बेदम मारहाण करत जखमी केले.
यावरून पिंपरी पोलिसात पाच जणांविरोधात गुन्हा दाखल करण्यात आला असून अद्याप कुणालाही अटक करण्यात आलेली नाही. मात्र किरकोळ कारणावरून अशी मारहाण केल्याने परिसरात या घटनेने दहशत निर्माण झाली आहे. या प्रकरणी अधिक तपास पिंपरी पोलीस करत आहेत.