त्यानंतर पोलिसांनी त्या तरुणाजवळ मोबाइलद्वारे संपर्क साधला. त्याची मनधरणी करण्याचे प्रयत्न केले. पण तो तरुण काही ऐकत नाही हे ठाणेदार पाटील यांच्या लक्षात आले. त्यांनी काहीही करुन त्या तरुणाचे प्राण वाचवायचे असे ठरवून त्याला सतत मोबाइलवर बोलण्यात व्यस्त ठेवले. त्याला स्वत: च्या जीवाचे बरे वाईट करायचे नाही असे सांगून त्यांनी त्याला विश्वासात घेतले. त्याला आवश्यक असलेल्या वस्तू जागेवर त्वरित उपलब्ध केल्या. सामाजिक कार्यकर्ते तसेच पोलीस पाटील प्रतिष्ठित नागरिक यांच्या मदतीने त्या तरुणाला ४ तासात सुखरूप खाली उतरवले. पोलिसांनी या प्रकरणी अतिशय काळजीपूर्वक ही घटना हाताळली. याबद्दल समाजामध्ये पोलिसांचे कौतुक होत आहे.