पुणे : राष्ट्रवादी काँग्रेसमध्ये फूट पडल्यानंतरच्या पहिल्या दिवाळीला पवार कुटुंब एकत्र येणार का याबाबत बारामतीकरांसह राज्यात उत्सुकता होती. दिवाळी पाडवा कार्यक्रमानिमित्त सकाळी पार पडलेल्या कार्यक्रमाला उपमुख्यमंत्री अजित पवार गोविंद बागेत दाखल झाले नव्हते. मात्र, पार्थ पवार यांनी शरद पवार यांची भेट घेतल्याची माहिती मिळाली होती. अजित पवारांच्या गैरहजेरीबाबत सुप्रिया सुळे यांनी ते डॉक्टरांचा सल्ला पाळत असलीत, असं म्हटलं. मात्र, सायंकाळी स्नेहभोजनाच्या कार्यक्रमाला अजित पवार सहकुटुंब गोविंद बागेत दाखल झाले आहेत.
स्नेहभोजनाला हजेरी
उद्या अजित पवारांच्या घरी भाऊबीजेचा कार्यक्रम
स्नेहभोजनाला हजेरी
अजित पवार सायंकाळी ७. ४५ मिनिटांनी सहकुटुंब बारामतीमधील गोविंदबागेत दाखल झाले आहेत. अजित पवार यांच्या समवेत पत्नी सुनेत्रा पवार पार्थ पवार जय पवारही उपस्थित राहिले आहेत. पवार कुटुंबीय समवेत एकत्र स्नेहभोजन करणार असल्याची माहिती देखील समोर आली आहे.
राष्ट्रवादी काँग्रेस पक्षाचे अध्यक्ष शरद पवार यांच्या गोविंद बाग या मागील अनेक वर्षांपासून पवार कुटुंबियांकडून दिवाळी पाडवा साजरा केला जातो. यावेळी महाराष्ट्रसह विविध ठिकाणाहून नागरीक पवारांना शुभेच्छा देण्यासाठी येतात. यावेळी पवार कुटुंबातील सर्व सदस्य उपस्थित असते.. मात्र, राष्ट्रवादी काँग्रेस पक्षात फूट पडल्यानंतर उपमुख्यमंत्री अजित पवार यांच्यासह आमदार रोहित पवार यांची अनुपस्थिती यंदाच्या पाडव्या सोहळ्यात प्रकर्षाने जाणवली.
उपमुख्यमंत्री अजित पवार हे आजारी असल्याचे तर रोहित पवार हे संघर्ष युवा यात्रेत असल्याने ते उपस्थित राहिले नसल्याची माहिती पवार यांनी दिली. दरम्यान मिळालेल्या माहितीनुसार आज सायंकाळी पावणे सातच्या सुमारास उपमुख्यमंत्री अजित पवार,पत्नी सुनेत्रा पवार, पार्थ पवार, जय पवार बारामतीतील शरद पवारांचे निवासस्थान असलेल्या गोविंद बागेत दाखल झाल्याची माहिती मिळत आहे. गोविंद बागेत एकत्रित आलेले पवार कुटुंबीय एकत्र स्नेहभोजन करणार असल्याचीही माहिती मिळत आहे.
उपमुख्यमंत्री अजित पवार यांना डेंग्यू झालेला आहे. गेली काही दिवस ते कोणत्याच सार्वजनिक कार्यक्रमाला उपस्थित राहिलेले नाहीत. त्यामुळे ते दिवाळी पाडव्याच्या कार्यक्रमाला उपस्थित नाहीत, तर आमदार रोहित पवार हे संघर्ष यात्रेच्या निमित्ताने बीडला असल्याने ते ही उपस्थित नसल्याचे स्पष्टीकरण खासदार सुप्रिया सुळे यांनी सकाळी माध्यमांशी बोलताना दिले होते. त्यानंतर उपमुख्यमंत्री अजित पवार यांच्यासह एकत्रित आल्याचे समजत आहे
सुप्रिया सुळे बारामतीतील धनगर आंदोलकाच्या भेटीला, आरक्षणाच्या प्रश्नावरुन सरकारवर जोरदार हल्ला
उद्या अजित पवारांच्या घरी भाऊबीजेचा कार्यक्रम
अजित पवार यांच्या बारामतीमधील काटेवाडी येथील घरी पवार कुटुंबाचा भाऊबीजेचा कार्यक्रम होणार आहे. सुप्रिया सुळे देखील भाऊबीजेच्या कार्यक्रमाला उपस्थित राहणार असल्याची माहिती आहे.
संपूर्ण जगाला माहिती माझी जात कोणती, VIRAL दाखल्यावर शरद पवार पहिल्यांदाच बोलले, म्हणाले…