गोंदिया : उपअभियंत्याने घरभाडे, इलेक्ट्रिक बिल आणि एलआयसी प्रिमियम भरण्यासाठी वडील आणि पत्नी कडून ऑनलाइन पैसे मागवल्यावर ही खात्यात पैसे आले नाहीत. म्हणून पुन्हा पैसे पाठवण्यास सांगितले. तरीही ते पैसे खात्यात दिसतच नव्हते. शेवटी मोबाईलचा कॅचे क्लिअर केला आणि ते संपूर्ण ट्रान्सफर झालेले पैसे दिसू लागले. जे बघून उपअभियंत्याच्या पाया खालील जमीन सरकली. यात उपअभियंत्याच्या खात्यातून ८ लाख ४३ हजार रुपये ऑनलाईन ट्रान्सफर तर झाले परंतु त्याच्या खात्यात पोहोचले नाही. यानंतर फसवणूक झाल्याचा प्रकार उघडकीस आला. याप्रकरणी उपअभियंत्याच्या तक्रारीरून गोंदिया शहर पोलिसांनी रविवारी गुन्हा दाखल केला आहे.

शहरातील गणेश नगरातील सुबोध चौकात राहणारे उपअभियंता पवन दिलीप फुंडे(३०) यांना एलआयसी, घरभाडे आणि इलेक्ट्रिक बिल भरण्यासाठी पैशाची गरज होती. त्यासाठी त्यांनी पत्नीला फोन पे द्वारे मेसेज केला होता; परंतु वेळेत त्यांच्या पत्नीचा प्रतिसाद न मिळाल्याने त्यांनी वडिलांना फोन करून एसबीआयच्या खात्यातून ४५ हजार रुपये पाठवायला सांगितले. त्यांनी पैसे पाठवून फोनवर कळविले; परंतु पैसे आल्याचा कोणताही मेसेज फुंडे यांना न आल्याने त्यांनी पुन्हा वडिलांना फोन करून पैसे आले नसल्याचे सांगितले. तेव्हा वडिलांनी दुसऱ्या यु.पी.आय. वर पुन्हा पैसे पाठविले. वडील पैसे पाठवत होते आणि पवन फुंडे मोबाईलवर वेळोवेळी बॅलन्स चेक करीत होते; परंतु त्यांच्या मोबाईलमधील अँप योग्यरित्या काम करीत नसल्याने त्यांना कोणतेच मेसेज येत नव्हते.
Explainer: महागाईचे सावट कायम? आर्थिक व नैसर्गिक घटक ठरले अनिश्चिततेला कारणीभूत
याच दरम्यान त्यांच्या पत्नीने सुद्धा पैसे पाठवल्याचा मेसेज केला परंतु त्यांना पत्नी द्वारे ही पैसे पाठवलेला मेसेज दिसत नसल्याने पुन्हा पत्नीला मेसेज करून पैसे मागवले. यावेळी त्यांनी पुन्हा ५० हजार असे एक लाख रूपये पाठविले. ते सुद्धा दिसत नव्हते. एक मित्राने कोविड काळात उपअभियंता फुंडे कडून पैसे उसने घेतले होते त्यांनी सुद्धा याच वेळी उधार घेतलेले २ लाख ३० हजार रुपये ऑनलाईन परत पाठवले आणि कॉल करून त्यांना कळविले, परंतु हे पैसे सुद्धा फुंडे यांना खात्यात दिसले नाही.

पुढच्या वेळी येईल त्यावेळी दीड हजार कोटींची कामे दाखवतो, नगरला जाऊन दादांचा लंकेना सपोर्ट, विखेंचं टेन्शन वाढलं!

बँकेत पैसे जमा झाल्याचे अथवा खात्यातून कमी झाल्याचे मॅसेज येत नसल्याने त्यांनी मोबाईल मधील कॅचे क्लिअर केला आणि संपूर्ण मॅसेज येण्यास सुरुवात झाली. तेव्हा त्यांना पत्नीने, वडिलांनी आणि मित्राने पाठविलेले ८ लाख ४३ हजार रुपये अज्ञात आरोपीने ऑनलाइन आपल्या खात्यात वर्ग खात्यात करुन फसवणूक केल्याचे लक्षात आले. तक्रारीवरुन गोंदिया शहर पोलिसांनी अज्ञात आरोपीवर भादंविच्या कलम ४२० सहकलम ६६ डी माहिती तंत्रज्ञान अधिनियमान्वये गुन्हा दाखल केला आहे. तपास पोलिस निरीक्षक चंद्रकांत सूर्यवंशी करीत आहेत.

Maratha Reservation: ओबीसींशी पंगा, धनगर आणि मुस्लिमांना सोबत घेण्याची मनोज जरांगेची योजना?

भातशेतीच्या जोडीला भाजीपाला पिकवला, शेतकऱ्यानं मिळवला लाखोंचा नफा

Latest Maharashtra News And Marathi News