ड्रग्ज माफिया ललित पाटील पळून जाण्यात मंत्री दादा भुसे यांचा हात, सुषमा अंधारे यांचा सनसनाटी आरोप

यावेळी संजय राऊत यांनी ललित पाटील प्रकरणावरुन दादा भुसे यांच्यावर जोरदार हल्ला चढवला. ललित पाटील याला शिंदे गटातील एका मंत्र्याने ससून रुग्णालयातून पळून जायला मदत केली, असा आरोप आहे. अनेकांनी याप्रकरणात दादा भुसे यांचे उघडपणे नाव घेतले आहे. त्यामुळे दादा भुसे यांनी मंत्रिपदाचा राजीनामा दिला पाहिजे. नाशिकमध्ये ललित पाटीलचा भाऊ भूषण पाटील याच्या ड्रग्ज कारखान्यावर धाड पडली. पालकमंत्र्यांच्या आदेशाशिवाय हा कारखाना चालू शकत नाही. या ड्रग्जच्या पैशातून दादा भुसे यांना मोठी आर्थिक मदत मिळाली का? ललित पाटील प्रकरणात दादा भुसे यांचा संबंध काय? आतापर्यंत ललित पाटीलने दादा भुसे यांना किती खोके दिले? त्याबदल्यात दादा भुसे ड्रग्जच्या कारखान्याला संरक्षण पुरवत होते का, अशा अनेक प्रश्नांची सरबत्ती संजय राऊत यांनी पत्रकार परिषदेत केली. तसेच मी यासंदर्भात केंद्रीय तपासयंत्रणा, अमली पदार्थ नियंत्रण कक्ष आणि पोलिसांकडे तक्रार दाखल करणार आहे. राज्यातील एक मंत्री ड्रग्ज रॅकेटमध्ये काम करतोय, ही गोष्ट गंभीर आहे. यासाठी दादा भुसे यांचा राजीनामा घेतला पाहिजे, असे संजय राऊत यांनी म्हटले. यावर आता दादा भुसे काय प्रत्युत्तर देणार, याकडे सर्वांच्या नजरा लागल्या आहेत.

ससूनमध्ये बसून पोलिसांच्या नाकाखाली ड्रग्ज रॅकेट चालवलं, गुन्हे शाखेला कुणकुण लागताच ललित पाटील पळाला
Read Latest Maharashtra News And Marathi News

रवींद्र धंगेकरांचा गंभीर आरोप

ड्रग्ज तस्करी प्रकरणातील आरोपी ललित पाटील याची ससून रुग्णालयामध्ये बडदास्त ठेवण्यासाठी शिंदे गटातील एका मंत्र्याने अधिष्ठाता डॉ. संजीव ठाकूर यांना फोन केला. त्यामुळे या प्रकरणामध्ये शिंदे गटातील मंत्री सहभागी असल्याचा आरोप कसबा विधानसभा मतदारसंघाचे आमदार रवींद्र धंगेकर यांनी मंगळवारी केला. या प्रकरणात अधिष्ठाता डॉ. संजीव ठाकूर यांच्यासह येथील डॉक्टर दोषी असून, यांच्यावर गुन्हे दाखल झाले पाहिजे, अशी मागणीही धंगेकर यांनी केली. धंगेकर यांनी मंगळवारी ससून सर्वोपचार रुग्णालयाला भेट दिली. सुरूवातीला त्यांनी कैद्यांच्या १६ नंबर वार्डची पाहणी केली आणि त्यानंतर त्यांनी अधिष्ठाता यांच्याशी चर्चा केली.

ललित पाटील पळून गेल्याच्या मुद्यावरून आमदार रवींद्र धंगेकर यांनी बी. जे. वैद्यकीय महाविद्यालयाचे अधिष्ठाता डॉ. संजीव ठाकूर यांना धारेवर धरले. ललित पाटील प्रकरणाविषयी आक्रमक भूमीका घेत दाखल असलेल्या कैद्यांना नेमका कोणता? आजार झाला आहे याची माहिती धंगेकर यांनी या वेळी मागितली. मात्र, नियमानुसार या प्रकारची माहिती देता नाही, असे उत्तर ठाकूर यांनी दिले. कैद्यांची माहिती का लपवली जाते असे, म्हणत धंगेकर प्रशासनावर चिडले. कैदी नऊ महिने रुग्णालयात कसे राहतात? कैदी दाखल झाल्यावर जे कागदपत्र दाखल करता ते दाखवा. कैद्यांना कोणते उपचार दिले जातात? नऊ महिने रुग्णाला पैसे घेऊन सांभाळले का? दोन वर्ष मटका किंग कोणते उपचार घेत होता? चार दिवस मी पत्र दिले, अद्याप उत्तर कसे दिले नाही? तुम्ही ललित पाटीलला पैसे घेऊन सांभाळले का? या विषयावर तुम्ही बोलत का नाही? असे अनेक प्रश्न या वेळी धंगेकर यांनी अधिष्ठातांना विचारले. मात्र, शेटवपर्यंत ठाकूर यांनी कोणतेही उत्तरे दिली नाही.

नऊ महिने पैसे घेऊन सांभाळले का?

ललित पाटीलवर कोणते उपचार सुरू होते या बाबतची माहिती विचारण्यासाठी चार दिवसांपूर्वी रुग्णालय प्रशासनाला पत्र दिले होते. मात्र, अद्याप प्रशासनाने माहिती दिली नाही. तुम्ही कोणत्या नियमानुसार लोकप्रतिनिधीला माहिती देत नाही. माहिती देता नसेल तर तसे लिखित स्वरुपात द्या. आगामी हिवाळी अधिवेशनात मी याबाबत प्रश्न विचारणार असल्याचे ते म्हणाले. या विषयी अधिष्ठाता आणि डॉक्टर काही बोलत नाहीत. त्यामुळे ललित पाटीलला नऊ महिने पैसे घेऊन सांभाळले का? असा प्रश्न या वेळी धंगेकर यांनी उपस्थित केला.