पोलिसांनी या प्रकरणी चैतन्य विनोद शेंडे (१८, रा. चंद्रपूर) याला अटक केली आहे. आरोपीने टेलिग्रामवर एक ग्रुप तयार करून त्यामध्ये दहावीच्या गणित विषयाच्या प्रश्नपत्रिका आधीच मिळवून देण्याचा दावा केला होता.

काय होती मोडस ऑपरेंडी?

परीक्षेच्या एक दिवस आधी टेलिग्रामवर पासवर्डने संरक्षित पीडीएफ फाइल अपलोड करण्यात येत असे. त्यानंतर संबंधित ग्रुपमध्ये संदेश टाकून ६०० रुपयांत प्रश्नपत्रिका मिळतील, असे आमिष दाखवून विद्यार्थ्यांकडून पैसे मागितले जात होते.

एडिट फीचरचा वापर

काही विद्यार्थ्यांनी पैसे पाठवल्यानंतर आरोपी त्यांना त्वरित ब्लॉक करत असल्याचे तपासात समोर आले. त्यानंतर परीक्षा संपल्यानंतर प्रत्यक्ष प्रश्नपत्रिका मिळवून आरोपीने टेलिग्रामवरील आधी अपलोड केलेली फाइल बदलली. त्यामुळे त्या फाइलची अपलोडची वेळ जुनी दिसत असल्याने जणू परीक्षा सुरू होण्यापूर्वीच प्रश्नपत्रिका अपलोड केली होती, असा आभास निर्माण होत होता.
Pune News : मांजराने पोपटाचा पिंजरा पाडला, पुण्यातील दोन शेजाऱ्यांचा वाद हाणामारीपर्यंत, मांजर मालकावर गुन्हा
शिवाजीनगर पोलिसांनी तांत्रिक तपासाच्या आधारे आरोपीला चंद्रपूर जिल्ह्यातून अटक केली. टेलिग्राम ग्रुपवर पाठवलेल्या क्यूआर कोडच्या तपासातून आरोपीचा माग काढण्यात पोलिसांना यश आले.

टेलिग्रामवर ग्रुप

आरोपीने ‘महाराष्ट्र स्टेट बोर्ड २०२६’ या नावाने टेलिग्रामवर ग्रुप बनवला होता. या ग्रुपमध्ये तो चॅटिंग करून विद्यार्थ्यांना बोर्डाच्या प्रश्नपत्रिका देण्याचे आमिष दाखवत असे. पेपर मिळवण्यासाठी विद्यार्थ्यांना क्यूआर कोड स्कॅन करून पैसे पाठवण्यास सांगितले जात होते.
Jay Pawar : पिंकी माळींच्या कुटुंबाला भेटायला जय पवार आले, बिल्डिंगची लिफ्ट डगमगली, 18 मजले पायी उतरण्याची सावधगिरी
पोलिसांनी टेलिग्राम कंपनीशी ई-मेलद्वारे पत्रव्यवहार करून तांत्रिक माहिती मिळवली. या माहितीच्या आधारे आरोपीचा मोबाइल क्रमांक आणि ठिकाण निश्चित करण्यात आले. तपासात आरोपी चंद्रपूर जिल्ह्यातील जटपुरा वॉर्ड परिसरात राहत असल्याचे समोर आले.