म. टा. विशेष प्रतिनिधी, नाशिक : ‘राष्ट्रवादी काँग्रेस पक्षाचे अध्यक्ष शरद पवार, शिवसेना पक्षप्रमुख उद्धव ठाकरेंसह काँग्रेसचेही नेते एकमेकांना भेटतात. त्यामुळे महाविकास आघाडीतील घटक पक्षांच्या नेत्यांची भेट घेण्यात काहीही गैर नाही. हा दबाव तंत्राचा भाग नाही,’ असा खुलासा शिवसेना ठाकरे गटाचे उपनेते बबनराव घोलप यांनी केला आहे.
Women’s Reservation: ७५ वर्षांनी देशात समान संधीची पहाट, महिलांना ३३ टक्के आरक्षण, आज विधेयक संसदेत मांडणार
गेल्या मंगळवारी घोलप यांना ‘मातोश्री’वर बोलावण्यात आले होते. उद्धव ठाकरेंची भेट न झाल्यामुळे घोलप यांनी आपली नाराजी खासदार संजय राऊत यांच्याकडे व्यक्त केली होती. मिलिंद नार्वेकरांबाबतची तक्रार घोलप यांनी राऊतांकडे केली होती. त्यानंतर राऊत यांनी उद्धव ठाकरेंसोबत बैठक घेऊ, अशी बोळवण करीत घोलपांना माघारी धाडले होते. परंतु, उद्धव ठाकरेंची भेट होत नसल्यामुळे अस्वस्थ झालेल्या घोलप पितापुत्रांनी आता महाविकास आघाडीच्या नेत्यांच्या भेटीगाठी सुरू केल्या आहेत. ‘वंचित’चे प्रमुख डॉ. प्रकाश आंबेडकरांची बबनराव घोलप यांनी, तर माजी आमदार योगेश घोलप यांनी शरद पवार यांची भेट घेतल्याने राजकीय वर्तुळात खळबळ उडाली होती. परंतु, आम्ही पक्षावर दबाव टाकत नसून, आघाडीतील घटक पक्षांचे नेते असल्यामुळे त्यांची भेट घेतल्याचा खुलासा घोलप यांनी केला आहे.
सुप्रिया सुळे लबाड लांडग्याची लेक तर अजित पवार पिल्लू, पडळकरांची शेलक्या शब्दात टीका, राष्ट्रवादी आक्रमक
शिर्डीतील पक्षाच्या घडामोडींसंदर्भात, तसेच मुंबईतील नेत्यांसदर्भात वरिष्ठांकडे तक्रार केली आहे. त्यासंदर्भात पक्षाने काय निर्णय घेतला यासाठी आज, मंगळवारी वरिष्ठांशी संपर्क साधून विचारणा करणार आहे. त्यानंतर पुढे काय करायचे ते ठरवू. -बबनराव घोलप, माजी मंत्री