गणेशोत्सवासाठी प्रशासनाकडून सिटीलिंकच्या वाहतूकमार्गात बदल; मदतीसाठी हेल्पलाइन क्रमांक जारीयाशिवाय २८ सप्टेंबरला सकाळी सहा ते दुसऱ्या दिवशी पहाटे दोनपर्यंत मेट्रो सुरू ठेवण्यात येणार आहे. रात्री दहानंतर दर १५ मिनिटांनी मेट्रो सेवा राहणार आहे, असे ‘महामेट्रो’कडून सांगण्यात आले आहे. दरम्यान गणेशोत्सवात देखावे पाहण्यासाठी मोठ्या प्रमाणात नागरिक येत असल्याने वाहतूक कोंडी निर्माण होते. ही कोंडी टाळण्यासाठी वाहतूक पोलिसांकडून मध्यवर्ती भागाताली रस्ते बस वाहतुकीसाठी सायंकाळी पाचनंतर बंद केले जातात. त्यामुळे मध्यवर्ती भागातील रस्त्यावरून जाणाऱ्या बस इतर मार्गावरून चालविण्यात येणार आहेत.
तसेच गणेश चतुर्थीनिमित्त आज, मंगळवारी (१९ सप्टेंबर) राज्यातील ‘वंदे भारत’ एक्स्प्रेसमधून प्रवास करणाऱ्यांना जेवणामध्ये मोदक दिला जाणार आहे. त्यासाठी ‘इंडियन रेल्वे केटरिंग अँड टुरिझम कॉर्पोरेशन’ने (आयआरसीटीसी) कंत्राटदाराला मोदकांची ऑर्डर दिली आहे. राज्यात मुंबई-सोलापूर, मुंबई-शिर्डी, नागपूर-बिलासपूर आणि मुंबई-मडगाव अशा मार्गांवर वंदे भारत एक्स्प्रेस धावतात. या वंदेभारत एक्स्प्रेसला प्रवाशांचा चांगला प्रतिसाद मिळत आहे. गणेश चतुर्थीच्या दिवशी वंदे भारत एक्स्प्रेसमधील प्रवाशांना जेवणामध्ये मोदक देण्याचा निर्णय ‘आयआरसीटीसी’ने घेतला आहे. त्यासाठी साडेचार हजार मोदकांची ऑर्डर देण्यात आली आहे. गणेश चतुर्थीच्या दुसऱ्या दिवशीदेखील या रेल्वेत प्रवाशांना मोदक दिले जाणार आहेत.