म. टा. वृत्तसेवा, नवी मुंबई : तब्बल ३० हजार कोटींहून अधिक रुपयांची आर्थिक फसवणूक केल्याचा आरोप असलेल्या वाधवान बंधूंना तळोजा कारागृहातून रुग्णालयात वैद्यकीय तपासणीसाठी नेताना त्यांना ‘व्हीआयपी’ वागणूक देणे कैदी पार्टीतील पोलिसांना चांगलेच महागात पडले आहे. वाधवान बंधूंनी पोलिसांसमोरच रुग्णालयाच्या पार्किंगमध्ये आपल्या कुटुंबीयांसोबत कारमध्ये बसून व्यावसायिक विषयांवर चर्चा केल्याचे आढळून आले आहे. त्यामुळे कैदी पार्टीत तैनात असलेल्या एका उपनिरीक्षकासह सात पोलिसांवर निलंबनाची कारवाई करण्यात आली आहे.
काय आहे प्रकरण?
दिवाण हाउसिंग फायनान्स कॉर्पोरेशन लिमिटेडचे (डीएचएफएल) प्रवर्तक असलेले व बँक फसवणूक प्रकरणात अटकेत असलेले कपिल आणि धीरज वाधवान हे दोघेही सध्या तळोजा कारागृहात बंदिस्त आहेत. तळोजा कारागृहातील इतर कैद्यांना जी सवलत मिळत नाही, ती सवलत व ‘व्हीआयपी’ वागणूक वाधवान बंधूंना मिळत असल्याची धक्कादायक बाब उघडकीस आली आहे. सात ऑगस्ट रोजी कपिल वाधवान याला तळोजा कारागृहातून मुंबईतील केईएम रुग्णालयात वैद्यकीय तपासणीसाठी पाठविण्यात आले होते. त्यावेळी त्याने रुग्णालयाच्या पार्किंगमध्ये आपल्या कुटुंबातील सदस्यांची आणि सहकाऱ्यांची भेट घेतली होती. त्यानंतर त्याने खासगी कारमध्ये बसून मोबाइल व लॅपटॉप हाताळल्याचे व काही कागदपत्रांवर स्वाक्षरी केल्याचे तसेच कारमध्येच नातेवाईकांसह जेवण केल्याचे आढळून आले आहे.
काय आहे प्रकरण?
दिवाण हाउसिंग फायनान्स कॉर्पोरेशन लिमिटेडचे (डीएचएफएल) प्रवर्तक असलेले व बँक फसवणूक प्रकरणात अटकेत असलेले कपिल आणि धीरज वाधवान हे दोघेही सध्या तळोजा कारागृहात बंदिस्त आहेत. तळोजा कारागृहातील इतर कैद्यांना जी सवलत मिळत नाही, ती सवलत व ‘व्हीआयपी’ वागणूक वाधवान बंधूंना मिळत असल्याची धक्कादायक बाब उघडकीस आली आहे. सात ऑगस्ट रोजी कपिल वाधवान याला तळोजा कारागृहातून मुंबईतील केईएम रुग्णालयात वैद्यकीय तपासणीसाठी पाठविण्यात आले होते. त्यावेळी त्याने रुग्णालयाच्या पार्किंगमध्ये आपल्या कुटुंबातील सदस्यांची आणि सहकाऱ्यांची भेट घेतली होती. त्यानंतर त्याने खासगी कारमध्ये बसून मोबाइल व लॅपटॉप हाताळल्याचे व काही कागदपत्रांवर स्वाक्षरी केल्याचे तसेच कारमध्येच नातेवाईकांसह जेवण केल्याचे आढळून आले आहे.
शेतकऱ्यांनो, धान्य गहाण ठेवून कर्ज घेताय? सावधान; नागपूरात ११३ कोटींची फसवणूक उघड
त्यानंतर दोन दिवसांनी धीरज वाधवानलाही त्याच पद्धतीने तळोजा कारागृहामधून मुंबईतील जे. जे. रुग्णालयात वैद्यकीय तपासणीसाठी पाठविण्यात आले होते. त्यानेही कैदी पार्टीसमोर रुग्णालयाच्या पार्किंगमध्ये नातेवाइकांची भेट घेऊन कागदपत्रे हाताळल्याचे आढळून आले आहे. विशेष म्हणजे वाधवान बंधूंच्या नातेवाईकांकडून कैदी पार्टीतील पोलिसांना नाश्ताही देण्यात आल्याचे आढळले आहे. या बाबीची गंभीर दखल घेत नवी मुंबई पोलिस उपायुक्त (मुख्यालय) संजयकुमार पाटील यांनी वाधवान बंधूंच्या कैदी पार्टीत असलेले पोलिस उपनिरीक्षक आशुतोष देशमुख, पोलिस हवालदार विशाल दखने, सागर देशमुख, प्राजक्त पाटील, रवींद्र देवरे, प्रदीप लोखंडे व माया बारवे या सर्वांवर निलंबनाची कारवाई केली आहे.