विदेश म्हात्रे नृत्यपथक, भाट पाडा नृत्यपथक यांनी गावातून वाजतगाजत मिरवणूक दांडापाड्यावरील किनाऱ्यावर पोहोचली. तेथे विविध नृत्याविष्कार पाहण्यासाठी लोकांनी मोठी गर्दी केली होती. सातपाटी सण उत्सव समितीद्वारे नृत्यकला सादर करणाऱ्या मंडळांना सन्मानचिन्ह देण्यात आले.
पालघर जिल्ह्यात आरोग्य व्यवस्था अपुरीच; उपचारांसाठी मुंबई, गुजरातला रुग्णांची धाव
सातपाटीमधील भाटपाडा गणेशोत्सव मंडळ, मुरबे, नवापूर, उच्छेळी आदी भागात नारळी पौर्णिमा साजरी करण्यात आली. जिल्ह्याच्या पूर्व भागातील मनोर, चारोटी, विक्रमगड, जव्हार, मोखाडा या भागात मासेविक्री व अन्य व्यवसायांनिमित्त राहणाऱ्या मच्छिमारांनीही नदीनाल्यांमध्ये नारळ अर्पण केला आणि समुद्रात मासेमारीला जाणाऱ्या बोटींना भरपूर मासे मिळू देत, वादळवाऱ्यात त्यांचे संरक्षण होऊ दे, अशी प्रार्थना दर्याराजाला केली. पारंपरिक पेहरावात अनेक मंडळे उत्साहात नारळी पौर्णिमेच्या उत्सवात सहभागी झाली.