ठाणे: कल्याण पूर्वेतून एक संतापजनक प्रकार उघडकीस आला आहे. भाऊ-बहिणीने परिसरात राहणाऱ्या एका १२ वर्षीय अल्पवयीन मुलीसोबत अश्लील चाळे केले. भाऊ अश्लील चाळे करत असताना बहिणीने मोबाईलवर व्हिडिओ बनवला. पीडित मुलीने हि बाब घरी सांगताच तिच्या कुटुंबियांनी याप्रकरणी कोळसेवाडी पोलीस ठाण्यात तक्रार दाखल केली. कोळसेवाडी पोलीस ठाण्यात या दोन्ही भाऊ-बहीण विरोधात गुन्हा दाखल करत त्यांना बेड्या ठोकल्या आहेत. अजय थापा (२०)आणि सपना थापा (२४) अशी या दोन आरोपींची नावे आहेत
जुना वाद मिटवण्यासाठी बोलवलं; मित्राला घेऊन तरुण गेला, वादाला तोंड फुटलं, अन् सगळंच संपलंमिळालेल्या माहितीनुसार, कल्याण पूर्व परिसरात राहत असलेल्या १२ वर्षीय पीडित अल्पवयीन मुलगी कुटुंबासह राहते. याच परिसरात दोघे भाऊ-बहीण देखील राहतात. ही मुलगी घराच्या परिसरात खेळत असताना या दोघांची नजर तिच्यावर पडली. तिला घरी बोलावत अजयने या मुलीसोबत अश्लील वर्तन केले. भावाला हे कृत्य करण्यापासून रोखण्याऐवजी बहिणीने या प्रकाराचे चित्रण मोबाइल कॅमेऱ्यात केले. या प्रकारानंतर पीडितेने स्वत:ची सुटका करून घेत घर गाठले. भाऊ या मुलीसोबत अश्लील चाळे करत असताना त्याची बहिणीने हा किळसवाणा प्रकार मोबाईल कॅमेरात कैद केला.

मंत्रालयातील जाळीवर आंदोलन, अप्पर वर्धा धरणग्रस्त सरकारविरोधात आक्रमक

या प्रकारामुळे घाबरलेल्या पीडितेने सर्व घडलेला प्रकार घरातील कुटुंबियांना सांगितला. पीडितेच्या कुटुंबियांनी या प्रकरणी कोळसेवाडी पोलीस ठाण्यात तक्रार नोंदवली. यानंतर कोळसेवाडी पोलिसांनी अजय थापा आणि सपना थापा या दोघांविरोधात गुन्हा दाखल करत या दोघांनाही अटक केली आहे. दरम्यान ठाणे जिल्ह्यात गुन्हेगारी मोठ्या प्रमाणात वाढत आहे. यावर आळा बसवण्यासाठी पोलीस सर्वोतपरी प्रयत्न करत आहे. मात्र अशाच घटना वारंवार घडू लागल्या तर परिस्थिती अत्यंत नाजूक होऊन जाईल.