पुणे जिल्ह्यात खरीप हंगामातील पिकांचे सरासरी क्षेत्र एक लाख ९५ हजार ७१० हेक्टर आहे. यंदाच्या हंगामात पावसाचे विलंबाने आगमन झाल्याने मूग आणि उडदाच्या उत्पादनात घट होण्याचा कयास आहे. तुरीची पेरणीही ८३ टक्क्यांइतकीच झाली आहे. एकंदरीतच गेल्या वर्षीच्या तुलनेत कडधान्यांची पेरणी कमी झाली आहे. राज्यात मुगाचे सरासरी क्षेत्र ३ लाख ९३ हजार ९५७ हेक्टर असून, त्यापैकी ४२ टक्के म्हणजेच एक लाख ६४ हजार ७७४ हेक्टरवरील पेरणी पूर्ण झाली आहे.
पावसाने आणले बळीराजाच्या डोळ्यांत पाणी; फुलंब्रीत हजारो हेक्टरवरील पिके धोक्यातराज्यातील उडदाचे सरासरी क्षेत्र ३ लाख ७० हजार २५२ हेक्टर आहे. त्यापैकी ६२ टक्के म्हणजे २ लाख २८ हजार ९१९ हेक्टरवरील पेरणी पूर्ण होऊ शकली. तुरीचे सरासरी क्षेत्र १२ लाख ९५ हजार ५१६ हेक्टर असून, प्रत्यक्षात ८३ टक्के म्हणजे १० लाख ८० हजार ७०९ हेक्टरवरील पेरणी पूर्ण झाली आहे. कुळीथ, चवळी, मटकी, राजमा आदी कडधान्ये पिकांखालील सरासरी क्षेत्र ७८ हजार ८४५ हेक्टर असून, प्रत्यक्षात ६८ टक्के म्हणजे ५३ हजार ९९६ हेक्टरवरील पेरणी पूर्ण झाल्याची माहिती कृषी विभागातर्फे देण्यात आली.