नेमकी घटना काय?

ही धक्कादायक घटना कोथरूड परिसरातील कर्वे रोडवरील जयदीप मंडळ, मेगा सिटी बिल्डिंग क्रमांक ४ येथे घडली. मृत तरुणाचे नाव नागेश जाधव (वय 23)असे आहे. त्याचे परिसरातील एका अल्पवयीन मुलीशी मैत्रीचे संबंध होते. तक्रारीनुसार, शनिवारी (१४ मार्च) सायंकाळी सुमारे सव्वा सातच्या सुमारास नागेशला फोन आणि मेसेज आला. हा मेसेज मुलीच्या मोबाईलवरून पाठवण्यात आला होता. त्यामुळे नागेश कोणताही संशय न घेता दिलेल्या ठिकाणी पोहोचला. मात्र तेथे त्याची वाट पाहत होता तो एक भयानक सापळा.

मुलीच्या घरच्यांनी नागेशला पकडून लाकडी दांडक्यांनी तसेच लाथाबुक्क्यांनी बेदम मारहाण केल्याचा आरोप आहे. मारहाण इतकी निर्दयी होती की नागेश गंभीर जखमी झाला.

Jalgaon Crime: महिलेचे तरुणासोबत प्रेमसंबंध, मोबाईलमध्ये व्हिडिओ; पती-पत्नीने मिळून प्रियकराला संपवलं, नंतर पोलिसांनाही चक्रवलं

व्हिडिओ कॉल केला आणि…

धक्कादायक बाब म्हणजे मारहाणीच्या दरम्यान आरोपींनी नागेशच्या आईला त्याच्याच मोबाईलवरून व्हिडिओ कॉल केला. “तुझा मुलगा आमच्या ताब्यात आहे… आम्ही त्याला मारलं आहे. दहा मिनिटांत येऊन घेऊन जा, नाहीतर त्याला टेरेसवरून खाली फेकून देऊ,” अशी धमकी दिल्याची माहिती एफआयआरमध्ये नमूद आहे. घाबरलेल्या कुटुंबीयांनी घटनास्थळी धाव घेतली तेव्हा नागेश गंभीर जखमी अवस्थेत पडलेला होता. त्याला प्रथम खाजगी रुग्णालयात नेण्यात आले. मात्र प्रकृती अत्यंत गंभीर असल्याने पुढील उपचारासाठी ससून रुग्णालयात हलवण्यात आले. उपचारादरम्यान त्याचा मृत्यू झाला.

Sunil Tatkare : खासदार सुनील तटकरेंची आमदार महेंद्र थोरवेंविरोधात कोर्टात धाव, 65 कोटींचा मानहानी दावा

10 जणांवर गुन्हा दाखल

या प्रकरणी नागेशच्या आईच्या फिर्यादीवरून कोथरूड पोलीस ठाण्यात दहा जणांविरोधात गुन्हा दाखल करण्यात आला आहे. आरोपींना तातडीने अटक करावी अशी मागणी नातेवाईकांनी केली आहे.