छत्रपती संभाजीनगर: ट्युशनवरून घराकडे निघालेल्या तीन मुलींना पाहून अश्लील हावभाव करून त्यांची छेड काढणाऱ्या अट्टल गुन्हेगाराला छावणी पोलिसांनी २४ तासाच्या आत बेड्या ठोकल्या. ही घटना कृपामयी हॉस्पिटलजवळ घडली. अमर उर्फ आमऱ्या भाऊसाहेब गायकवाड (वय २२) रा. आंबेडकरनगर असे गुन्हेगाराचे नाव आहे. न्यायालयाने कुख्यात गुन्हेगार आमऱ्या याची हर्सूल कारागृहात रवानगी केली असल्याची माहिती पोलीस निरीक्षकांनी दिली.
याप्रकरणी पोलिसांनी दिलेल्या माहितीनुसार, फिर्यादी अल्पवयीन मुलगी तिच्या दोन मैत्रिणींसह दुपारच्या सुमारास ट्युशनवरून घराकडे पायी निघाली होती. तिघींकडे पाहून एकाने अश्लील हावभाव केले. ‘एक द्या की…’ असे बोलू लागल्याने तिन्ही मुली प्रचंड घाबरल्या. फिर्यादी मुलीने त्याला फार माजला का, अशी विचारणा करताच तो मुलींच्या अंगावर धावून आला.
याप्रकरणी पोलिसांनी दिलेल्या माहितीनुसार, फिर्यादी अल्पवयीन मुलगी तिच्या दोन मैत्रिणींसह दुपारच्या सुमारास ट्युशनवरून घराकडे पायी निघाली होती. तिघींकडे पाहून एकाने अश्लील हावभाव केले. ‘एक द्या की…’ असे बोलू लागल्याने तिन्ही मुली प्रचंड घाबरल्या. फिर्यादी मुलीने त्याला फार माजला का, अशी विचारणा करताच तो मुलींच्या अंगावर धावून आला.
फिर्यादी मुलीला हाताला धरून जवळ ओढले. तेव्हा मुलींनी आरडाओरड करून त्याच्यापासून सुटका करून घेतली. त्यानंतर छावणी पोलीस ठाणे गाठून तक्रार दिली होती. त्यावरून विविध कलमांसह बाल लैंगिक अत्याचार अधिनियमसह गुन्हा दाखल करण्यात आला आहे.
पुण्यात डोळ्यांची साथ, रुग्णांची संख्या वाढली, शहरात ‘ड्रॉप’ही मिळेना, असे करा घरगुती उपचार….
दरम्यान, यासंदर्भात थेट पोलीस आयुक्त मनोज लोहिया यांनी लक्ष घालून गुन्ह्याचे गांभीर्य ओळखून पोलीस निरीक्षक कैलास देशमाने यांना आरोपीला शोधण्याच्या सूचना केल्या. देशमाने यांनी उपनिरीक्षक पुंडलिक डाके यांच्या पथकाला रवाना केले. उपनिरीक्षक डाके यांनी सर्व सबळ पुराव्यासह कुख्यात गुन्हेगार अमर उर्फ आमऱ्या याला बेड्या ठोकल्या. एवढेच नाही तर त्याला न्यायालयात दोषारोपपत्रासह हजर करण्यात आले. न्यायालयाने त्याची हर्सूल कारागृहात रवानगी केली.