उत्सवकाळात मोठ्या प्रमाणात नागरिक महाप्रसाद, मिठाई, पेढे, बरफी, खवा, दूध व दुग्धजन्य पदार्थांचे सेवन करतात. अशावेळी अन्नपदार्थांच्या साठवणुकीत, हाताळणीत किंवा वितरणात निष्काळजीपणा झाल्यास विषबाधेचा धोका निर्माण होऊ शकतो. त्यामुळे प्रसाद तयार करण्यापासून ते वाटपापर्यंत प्रत्येक टप्प्यावर स्वच्छतेची काळजी घेणे आवश्यक असल्याचे एफडीएने स्पष्ट केले आहे. गणेश मंडळांनी स्वतः महाप्रसाद तयार केल्यास स्वच्छतेचे नियम पाळणे बंधनकारक आहे.

Ganeshotsav 2026: यावे बाप्पा, स्वागत असो! श्रीगणेशाची आज जल्लोषात प्रतिष्ठापना; यंदा गणरायाचा बारा दिवस मुक्कामकच्चा मालही नोंदणीकृत अन्न व्यावसायिकांकडूनच खरेदी करावा, अशी सूचना देण्यात आली आहे. एफडीएचे अधिकारी तपासणीसाठी आल्यास मंडळांनी सहकार्य करावे. अन्नपदार्थांच्या गुणवत्तेबाबत काही तक्रार असल्यास नागरिकांनी टोल फ्री क्रमांक १८००२२२३६५ किंवा https: //complaints. mahafda. in या संकेतस्थळावर तक्रार नोंदवावी, असे आवाहन एफडीएचे सहआयुक्त कृष्णा जयपूरकर यांनी केले आहे.

Maharashtra FDA: वर्षभर नव्हे, आता अहवाल 14 दिवसांत; शिफ्टमध्ये काम, एफडीएचा कारवायांचा धडाकाया सूचना लक्षात ठेवा

• महाप्रसादासाठीचा कच्चा माल नोंदणीकृत अन्न व्यावसायिकांकडूनच खरेदी करावा.
• स्वयंपाकाची जागा स्वच्छ, नीटनेटकी आणि आरोग्यदायी असावी.
• प्रसादासाठी वापरण्यात येणारी भांडी स्वच्छ, झाकण असलेली आणि सुरक्षित असावीत.
• कच्ची, सडलेली किंवा खराब फळे वापरू नयेत.
• आवश्यक तेवढ्याच प्रमाणात प्रसाद तयार करावा.
• प्रसादासाठी वापरले जाणारे पाणी पिण्यास योग्य असल्याची खात्री करावी.
• स्वयंसेवकांनी अॅप्रॉन, ग्लोव्हज, टोपी आदी सुरक्षा साधने वापरावीत.
• प्रसाद बनविणाऱ्या व्यक्तीस त्वचारोग किंवा संसर्गजन्य आजार नसावा.
• खवा, मावा आणि दुग्धजन्य पदार्थ वापरताना विशेष काळजी घ्यावी.
• दूध व दुग्धजन्य पदार्थांची साठवणूक ४ अंश सेल्सिअस किंवा त्यापेक्षा कमी तापमानात करावी.
• एफडीए अधिकारी तपासणीसाठी आल्यास आवश्यक सहकार्य करावे.