ठाणे: ठाण्यातील बांदोडकर आणि जोशी बेडेकर महाविद्यालयात NCC च्या विद्यार्थ्यांना बेदम मारहाण होत असल्याचा व्हिडीओ व्हायरल झाला आहे. त्यामुळे विद्यार्थी आणि पालक क्षेत्रात एकच खळबळ माजलीय. जोशी बेडेकर कॉलेजच्या प्रांगणात बांदोडकर, बेडेकर आणि पॉलिटेक्निक या तिन्ही विभागांच्या विद्यार्थ्यांना संयुक्त असे NCCचे प्रशिक्षण देण्यात येते. या प्रशिक्षणदरम्यान विद्यार्थ्याना आर्मी आणि नेव्हीच्या प्रशिक्षण पूर्वीचे धडे देण्यात येतात. याच दरम्यान विद्यार्थ्यांकडून एखादी चूक झाल्यास त्यांना शिक्षाही करण्यात येत असतात. मात्र ही शिक्षा अशा अमानवी प्रकारची असल्याचे समोर आल्याने खळबळ माजलीय.

यामुळे विद्यार्थ्यानमध्ये एनसीसी बाबत दहशत पसरली असून अनेकजण एनसीसी नकोच असे म्हणतात दिसत आहेत. या विद्यार्थ्यांनी अजिबात काळजी करू नये. हे असले प्रकार आम्ही कोणीही खपवून घेणार नसल्याचे जोशी बेडेकर कॉलेजच्या प्राचार्या सुचित्रा नाईक यांनी खडसावून सांगितले आहे. एनसीसीचे हेड जे असे असतात ते सिनियर विद्यार्थीच असतात ते कोणी शिक्षक नसतात, मात्र हा अत्यंत घृणास्पद असा प्रकार झाला आहे, असे त्या म्हणाल्या.

शाळा सुटली चिमुकली घराकडे निघाली, वाटेतच काळाची झडप; आईच्या डोळ्यांदेखत ४ वर्षाच्या मुलीचा अंत
अशा घटनेमुळे एनसीसीच्या मार्फत जी चांगली काम होतात ती झाकोळली गेली आहेत. शिक्षक नसताना झालेला हा प्रकार असून त्या विद्यार्थ्यावर तात्काळ कारवाई करण्याची प्रक्रियाही सुरू करण्यात आलेली आहे. त्याचबरोबर हे असले प्रकार यापुढे होऊन नयेत म्हणून एक कमिटीची स्थापनाही आम्ही तत्काळ करत असून ज्या कोणा विद्यार्थ्यांबाबत असे प्रकार घडले असतील त्यांनी अजिबात घाबरून जाऊ नये. आम्हाला येऊन भेटावे एनसीसी सोडण्याचा विचार अजिबात करु नये, असेही नाईक यांनी सांगितले आहे.

कारच्या दरवाजावर सापडले बंद पाकिट; चिठ्ठीतील मेसेज वाचून शहरात एकच खळबळ उडाली

झाड आहे की नळ? ताडोबात चक्क झाडातून पाण्याची धार; काय आहे व्हिडिओमागचं सत्य?