मुंबईच्या नव्या महापौर रितू तावडे पुन्हा एकदा वादाच्या भोवऱ्यात सापडल्यात. आधी महागडं घड्याळ वापरत असल्याच्या आरोपामुळे आणि आता लाल निळे दिवे असलेल्या गाडीमुळे. अशातच मुंबईच्या माजी महापौर आणि शिवसेना ठाकरे गटाच्या उपनेत्या किशोरी पेडणेकर यांची प्रतिक्रिया समोर आलीय. हा प्रोटोकॉल महापौरांना माहीत नाही का? की लाल दिव्यांचा मोह टाळता आला नाही असा खोचक सवाल पेडणेकरांनी विचारला. तसंच तुम्ही म्हणताय याआधीच्या महापौर कधीच दिसल्या नाहीत, पण तुमच्या कृतीसारखे महापौर कधीही दिसले नाहीत, असा चिमटाही यावेळी किशोरी पेडणेकरांनी काढला.