नागपूर : मध्यवर्ती कारागृहात कैद्यासोबत अत्याचार केल्याची घटना समोर आली आहे. पीडित कैदी गतिमंद असल्याचं सांगण्यात येत आहे. पीडित कैद्याला कोर्टात नेले असता त्याची स्थिती पाहून न्यायाधीशांना संशय आला. त्यानंतर चौकशीत हा गुन्हा उघड झाला. पोलिसांनी आरोपीला अटक केली आहे. रोहन बोहरीदास असे आरोपीचे नाव आहे. बलात्कार प्रकरणात आरोपी १० वर्षांची शिक्षा भोगत आहे. ही घटना सोमवारी रात्री कारागृह रुग्णालयात घडली. २४ तासांत तपास पूर्ण करून अहवाल सादर करण्याचे आदेश न्यायालयाने पोलिसांना दिले आहेत.
ऑनलाईन जुगाराद्वारे व्यापाऱ्यांना गंडा; बुकी सोंटूच्या लॉकरमध्ये तब्बल साडेचार कोटींचं घबाड
मिळालेल्या माहितीनुसार पीडित कैद्याला न्यायालयात हजर करण्यासाठी नेले असता त्याची अवस्था पाहून न्यायाधीशांना संशय आला. दरम्यान, त्यांनी न्यायालयात घडलेला प्रकार सांगितला. पीडित अशक्त असल्याने तो उपचारासाठी कारागृह रुग्णालयात गेला. आरोपी हा त्याला अंमली पदार्थ देत असे. संधीचा फायदा घेत त्याने त्याचे तोंड दाबून अनैसर्गिक लैंगिक छळ केला, असे आरोपीने सुनावणीदरम्यान म्हटले आहे.
‘आप’ची धुरा तरुणांच्या हाती; शहराध्यक्षपदी अजिंक्य कळंबे तर जिल्हाध्यक्षपदी ऋषभ वानखेडे
पीडित गतिमंद असल्याने कारागृहातील रुग्णालयात तो उपचारासाठी गेला होता. अत्याचार करणारा आरोपी रोहन त्याला औषधे देत होता. याच संधीचा फायदा घेत त्याने तोंड दाबून आपल्यावर अनैसर्गिक अत्याचार केल्याचे पीडित कैद्याने सुनावणीदरम्यान सांगितले. न्यायालयाने कारागृह प्रशासनाचे सहकार्य घेत धंतोली पोलिसांना प्रकरणाची शहानिशा करण्याचे आदेश दिले. तसेच वैद्यकीय अहवाल सादर करा, असेही नमूद केले आहे.

विदर्भात पूरसदृश्य परिस्थिती; नागपुरातील वेणा नदीला पूर, अडकलेल्या कुटुंबांना SDRF ने सुखरूप स्थळी पोहचवले!

हे समजताच पोलीस प्रशासन आणि कारागृह प्रशासनात खळबळ उडाली. न्यायालयाने आरोपीला तात्काळ कोठडीत ठेवण्याचे आणि २४ तासांत तपास पूर्ण करण्याचे आदेश दिले आहेत. पोलिसांनी आरोपीला अटक केली आहे. धंतोली पोलिसांनी विविध कलमान्वये गुन्हा दाखल करून तपास सुरू केला आहे.