दरम्यान, ही बाब त्याच्या आईसह नातेवाईकांच्या लक्षात येताच त्याला जिल्हा रुग्णालयात दाखल करण्यात आले. वैद्यकीय अधिकार्‍यांनी तपासणी करत त्यास मृत घोषित केले. याप्रकरणी सातपूर पोलीस ठाण्यात नोंद करण्यात आली आहे. या प्रकरणाचा पुढील तपास सातपूर पोलीस करीत आहेत. कृष्ण हा आई आणि भावासमवेत राहत होता. कृष्ण हा बारावीच्या वर्गात शिक्षण घेत होता. कृष्णने आत्महत्या करण्यासारखे टोकाचे पाऊल का उचलले या मागचे कारण अद्याप समजू शकलेले नाही. कृष्णने कोणीही घरात नसताना हे पाऊल उचलले आहे. त्यामुळे अनेक चर्चा रंगू लागल्या होत्या. मात्र कृष्णच्या मृत्यूने त्याच्या कुटुंबावर मोठा दुःखाचा डोंगर कोसळला आहे.