म. टा. विशेष प्रतिनिधी, मुंबई: ‘राज्यात निवडणुका कधीही होऊ शकतात, त्यामुळे तुम्ही तयारीला लागा’, अशी सूचना शिवसेना (उद्धव बाळासाहेब ठाकरे) पक्षाचे नेते उद्धव ठाकरे यांनी आपले कार्यकर्ते तसेच पदाधिकाऱ्यांना मंगळवारी एका बैठकीदरम्यान दिल्याचे समजते.
महाराष्ट्राच्या राजकारणात गेल्या वर्षभरापासून सातत्याने जोरदार घडामोडी घडत आहेत. त्यात लोकसभा निवडणुकांना जेमतेम नऊ ते दहा महिने उरले असून प्रत्येक राजकीय पक्ष कामाला लागला आहे. महाविकास आघाडीमध्ये सातत्याने काही तरी घडामोडी घडत असताना मंगळवारी ठाकरे यांच्या अध्यक्षतेखाली त्यांच्या पक्षाच्या पदाधिकाऱ्यांची महत्त्वाची बैठक मातोश्री निवासस्थानी पार पडली. आगामी लोकसभा निवडणुकांच्या पार्श्वभूमीवर बोलताना, ‘निवडणुका कधीही होऊ शकतात, तुम्ही तयारी करा’, अशी सूचना ठाकरे यांनी यावेळी केल्याचे समजते.महाविकास आघाडीची बैठक ५ ऑगस्टला
महाराष्ट्राच्या राजकारणात गेल्या वर्षभरापासून सातत्याने जोरदार घडामोडी घडत आहेत. त्यात लोकसभा निवडणुकांना जेमतेम नऊ ते दहा महिने उरले असून प्रत्येक राजकीय पक्ष कामाला लागला आहे. महाविकास आघाडीमध्ये सातत्याने काही तरी घडामोडी घडत असताना मंगळवारी ठाकरे यांच्या अध्यक्षतेखाली त्यांच्या पक्षाच्या पदाधिकाऱ्यांची महत्त्वाची बैठक मातोश्री निवासस्थानी पार पडली. आगामी लोकसभा निवडणुकांच्या पार्श्वभूमीवर बोलताना, ‘निवडणुका कधीही होऊ शकतात, तुम्ही तयारी करा’, अशी सूचना ठाकरे यांनी यावेळी केल्याचे समजते.
‘मतदारयादीमध्ये ज्यांची नावे वगळली आहेत, त्यांच्याशी संपर्क साधा, त्यांची नावे पुन्हा यादीत कशी आणता येतील त्यासाठी काम करा. तसेच ज्यांच्या कागदपत्रांची अडचण आहे त्यांच्याशी संपर्क करून अडचणी सोडवा’, असे उद्धव ठाकरे यांनी या बैठकीत सांगितल्याचे कळते. आघाडी आपल्यासोबत कोण आहे वा कोण नाही याचा तुम्ही विचार करू नका, ते काम माझ्यावर सोपवा, तुम्ही कामाला लागा, असेही त्यांनी सांगितल्याचे समजते. या बैठकीला कल्याण, अंबरनाथ, कळवा, बोरिवली, दहिसर, मागाठाण्याचे पदाधिकारी हजर होते.
विराट आणि रोहितने नाकारलं, पण हार्दिकने तब्बल ३५४० दिवसांनी कोणत्या खेळाडूला दिली संधी
महाविकास आघाडीची बैठक ५ ऑगस्टला
शिवसेना उद्धव बाळासाहेब ठाकरे पक्ष, काँग्रेस आणि राष्ट्रवादी काँग्रेस हे तीन पक्ष देशातील विरोधी पक्षांनी एकत्र येत स्थापन केलेल्या इंडिया आघाडीचे सदस्य आहेत. या आघाडीच्या दोन बैठका पार पडलेल्या आहेत. पहिली बैठक पाटणा येथे पार पडली होती. त्यानंतर दुसरी बैठक कर्नाटकच्या बंगळुरुमध्ये पार पडली आहे. पुढील बैठक महाराष्ट्रातील मुंबईत होणार आहे. या पार्श्वभूमीवर बैठकीच्या तयारीसाठी महाविकास आघाडीची बैठक राष्ट्रवादी काँग्रेसचे अध्यक्ष शरद पवार यांनी ५ ऑगस्टला बोलावली असून उद्धव ठाकरे देखील त्या बैठकीला हजर राहण्याची शक्यता आहे.
दणदणीत विजयासह भारताने वनडे मालिका जिंकली, वेस्ट इंडिजचे १७ वर्षांनंतरही विजयाचे स्वप्न अधुरे