मुंबई : अजित पवार यांच्यासह ९ मंत्र्यांनी शपथ घेऊन १० दिवस उलटून गेले तरी अद्याप ते बिनखात्याचेच मंत्री आहेच. चर्चेच्या अनेक फेऱ्या झडूनही खातेवाटपावर शिंदे-फडणवीस-अजितदादांचं एकमत होत नाहीये. पण अजित पवार यांच्या दिल्लीवारीनंतर खातेवाटपाला मुहूर्त लागला आहे. शुक्रवारी खातेवाटप होणार असल्याची विश्वसनीय सूत्रांची माहिती आहे. त्यामुळे १० दिवस बिनखात्याचे मंत्री असलेल्या अजितदादांच्या नेत्यांना शुक्रवारी खाती मिळतील. दुसरीकडे शिंदे गट आणि भाजपमधील मंत्रिपदासाठी इच्छुक नेत्यांच्या नशिबी आणखी वेटिंगच असेल. कारण पावसाळी अधिवेशनानंतर सरकारचा बहुप्रतिक्षित मंत्रिमंडळ विस्तार होणार आहे. अनेक आमदारांच्या नाराजीमुळे आणि मंत्रिपदासाठीच्या इच्छुकांच्या भाऊगर्दीमुळे अधिवेशानंतरच विस्तार होणार असल्याची माहिती आहे.
शिंदे गटातील आमदारांच्या नशिबी वेटिंगच
तातडीने मंत्रिमंडळ विस्तार व्हावा, यासाठी मुख्यमंत्री एकनाथ शिंदे आग्रही होते. मात्र, सध्याची राजकीय परिस्थिती पाहता पावसाळी अधिवेशनानंतरच मंत्रिमंडळ विस्तार होण्याची शक्यता आहे. आधी मंत्रिमंडळाचा विस्तार आणि नंतर खातेवाटपाचे पाहू, अशी मुख्यमंत्र्यांची भूमिका होती. मात्र, अजित पवार यांची दिल्लीवारी तसेच फडणवीस अजितदादा यांच्या बैठकानंतर मंत्रिमंडळ विस्तार पावसाळी अधिवशेनानंतर करण्यास एकनाथ शिंदेंनी होकार दर्शवल्याची माहिती आहे. दुसरं महत्त्वाचं म्हणजे, मंत्रिमंडळ विस्तारात शिंदेंच्या चार ते पाच साथीदारांनाच मंत्रिपदाची खुर्ची मिळण्याची शक्यता आहे. त्यामुळे शिंदे गटातील उर्वरित आमदारांमध्ये असंतोष उफाळून येण्याची शक्यता आहे.
शिंदे गटातील आमदारांच्या नशिबी वेटिंगच
तातडीने मंत्रिमंडळ विस्तार व्हावा, यासाठी मुख्यमंत्री एकनाथ शिंदे आग्रही होते. मात्र, सध्याची राजकीय परिस्थिती पाहता पावसाळी अधिवेशनानंतरच मंत्रिमंडळ विस्तार होण्याची शक्यता आहे. आधी मंत्रिमंडळाचा विस्तार आणि नंतर खातेवाटपाचे पाहू, अशी मुख्यमंत्र्यांची भूमिका होती. मात्र, अजित पवार यांची दिल्लीवारी तसेच फडणवीस अजितदादा यांच्या बैठकानंतर मंत्रिमंडळ विस्तार पावसाळी अधिवशेनानंतर करण्यास एकनाथ शिंदेंनी होकार दर्शवल्याची माहिती आहे. दुसरं महत्त्वाचं म्हणजे, मंत्रिमंडळ विस्तारात शिंदेंच्या चार ते पाच साथीदारांनाच मंत्रिपदाची खुर्ची मिळण्याची शक्यता आहे. त्यामुळे शिंदे गटातील उर्वरित आमदारांमध्ये असंतोष उफाळून येण्याची शक्यता आहे.
Cabinet Expansion: एकनाथ शिंदेंची इच्छा अपूर्ण राहणार, या कारणामुळे मंत्रिमंडळाचा विस्तार पावसाळी अधिवेशनानंतर?
दादांची अमित शाह यांची बैठका, खातेवाटपाचा तिढा निकाली!
अजितदादा गटाच्या ९ नेत्यांनी मंत्रिपदाची शपथ घेतल्यानंतर गेल्या तीन-चार दिवसांपासून मुख्यमंत्री एकनाथ शिंदे, उपमुख्यमंत्री देवेंद्र फडणवीस, उपमुख्यमंत्री अजित पवार यांच्यात खातेवाटपाविषयी चर्चा सुरु आहे. मात्र, मुख्यमंत्र्यांचं शासकीय निवासस्थान असलेल्या वर्षा बंगल्यावरील दोन बैठकांनंतरही खातेवाटपाचा तिढा सुटला नव्हता. त्यामुळे उपमुख्यमंत्री अजित पवार बुधवारी दिल्लीत भापचे वरिष्ठ नेते तथा केंद्रीय गृहमंत्री अमित शाह यांच्या भेटीला गेले. या भेटीत खातेवाटपावर तोडगा निघाल्याची माहिती आहे. अजित पवार यांचा गट अर्थ, महसूल आणि जलसंपदा या तीन खात्यांसाठी आग्रही आहे. त्यांनी या तीन खात्यांवर दावा सांगितलेला होता. नंतर दादांनी उत्पादन शुल्क खात्याचीही मागणी केल्याची माहिती कळतीये.