पुराच्या पाण्यानं चहूबाजूनं वेढलं, संकटकाळी इम्तियाज जीवनदूत ठरले, दोन दिवस धाडसी बचावकार्य, ७० जणांना वाचवलं

पुण्यातून दररोज डेक्कन क्वीन, सिंहगड एक्स्प्रेस, प्रगती या ‘एसी चेअर कार’ आणि ‘एक्झिक्युटिव्ह क्लास’च्या गाड्या मुंबईसाठी धावतात. मुंबई-सोलापूर ‘वंदेभारत एक्स्प्रेस’ही पुण्यातून जाते. या सर्व गाड्यांना दररोज ८० टक्क्यांपेक्षा अधिक प्रवाशांचा प्रतिसाद असतो. काही गाड्यांना तर ९५ ते १०० टक्के प्रतिसाद आहे. त्यामुळे रेल्वे बोर्डाच्या निर्णयाचा पुण्यातील प्रवाशांना काहीही फायदा होणार नसल्याचे स्पष्ट झाले आहे. रेल्वेच्या सर्व विभागातील मुख्य वाणिज्य व्यवस्थापकांना तिकीटदरामध्ये सवलत देण्याचे अधिकार दिले आहेत. हे मुख्य वाणिज्य व्यवस्थापक २५ टक्क्यांपर्यंत तिकीटदरात कपात करू शकतात, असे आदेशामध्ये म्हटले आहे. त्यामुळे थेट २५ टक्के तिकीट कमी होईल याचीही शाश्वती नाही.