जालना: अंबड तालुक्यातील नांदी शिवारातील घटनेने गावात एकच खळबळ उडाली आहे. अर्धवट गळा कापलेल्या अवस्थेत एक जण आढळून आल्याची घटना जालना जिल्ह्यातल्या अंबड तालुक्यातील नांदी शिवारात रविवारी सायंकाळी चार वाजण्याच्या सुमारास उघडकीस आली आहे. याठिकाणी एक व्यक्ती अर्धवट गळा कापलेल्या अवस्थेत आढळल्याने नांदी शिवारात एकच खळबळ उडाली आहे.
गावठी कट्टा, हत्यारं घेऊन टोळकं भाजप नेत्याच्या ऑफिसबाहेर पोहोचलं, दारुचा वास येताच बॉडीगार्डनी हटकलं अन्….
गावठी कट्टा, हत्यारं घेऊन टोळकं भाजप नेत्याच्या ऑफिसबाहेर पोहोचलं, दारुचा वास येताच बॉडीगार्डनी हटकलं अन्….
सदर घटनेची माहिती गावात पसरताच गावातील नागरिकांनी घटनस्थळी एकच गर्दी केली होती. नागरिकांनी या घटनेची माहिती तात्काळ अंबड पोलिसांना दिली. घटनेची माहिती मिळताच अंबड पोलिसांनी तातडीने घटनास्थळी धाव घेऊन त्या व्यक्तीस अंबड येथील उपजिल्हा रुग्णालयात हलवले आहे. सदर व्यक्तीची माहिती घेण्यासाठी पोलिसांनी त्याचे खिसे तपासले असता त्याच्या जवळ आधारकार्ड आढळून आले आहे.
आई-बाबा मंदिरात दर्शन घेऊन आरती करत होते, बाहेर ६ वर्षीय कोवळ्या जीवावर काळाची झडप!
आधार कार्डवर सदर व्यक्तीचे नाव नसरुद्दीन शहा असे आहे. तो उत्तर प्रदेशचा असावा अशी शक्यता पोलिसांनी वर्तवली आहे. त्याच्याजवळ दुचाकी आणि मोबाइल आढळून आला असून तो फकीर असल्याचे समजत आहे.पण या व्यक्तीला इतक्या क्रूर पद्धतीने का मारण्यात आले याचा पोलिस तपास करत आहे. यात या व्यक्तीचा कुणाशी काही वाद झाला का,या व्यक्ती जवळ असलेल्या मोटारसायकल चा क्रमांक MP 12- ML 8884 असा असल्याने हा परराज्यातून आला आहे का किंवा कुणी त्याचा घातपात करण्याचा प्रयत्न केलाय का या प्रश्नांची उत्तरे पोलिस शोधत आहे.अंबड पोलिस या प्रकरणी पुढील तपास करीत आहेत.