अर्जुन राठोड, नांदेड: आयुष्याच्या खडतर प्रवासात माणसाला अनेक समस्याला समोर जावं लागतं. हालाखीच्या परिस्थितीतही स्वप्न पूर्ण करण्यासाठी संघर्ष करावा लागतो. असाच काहीसा संघर्षमय प्रवास पूर्ण करत नांदेडच्या तीन विद्यार्थ्यांनी हालाखीच्या परिस्थितीवर मात करत पोलिस उपनिरीक्षक बनण्याचे स्वप्न पूर्ण केले आहे. त्यात लहानपणी वडिलाचं छत्र हरवलेला अतुल आडे, भोकर मधील कुंकू,करदोडे विकणाऱ्या कुटुंबातील किशोर सादुनवार आणि नायगाव तालुक्यातील टाकळी येथील शेतमजुराचा मुलगा माधव लाकडे यांचा समावेश आहे. त्यांचा हा संघर्षमय प्रवास आणि त्यातून त्यांनी मिळवलेलं यश हे प्रेरणादायी आहे. त्यांच्या या यशाच सर्वत्र कौतुक होत आहे.
वडिलांचं छत्र हरवलेल्या अतुलनं आईच्या कष्टाचं केलं चीज:
अतुल आडे हा जिल्ह्यातील हिमायतनगर तालुक्यातील वायवाडी तांडा येथील रहिवासी आहे.अकरावीत शिकत असताना अतुलच्या वडिलांच निधन झालं.घरातील कर्त्या पुरूषाच्या अकाली जाण्याने आडे कुटुंबीयांवर दुःखाचा डोंगर कोसळला. घरची परिस्थिती अत्यंत हालाखीची असल्याने अंकुश आणि अतुल हे दोघे भाऊ पुण्यात कंपनीमध्ये काम करत होते.
वडिलांचं छत्र हरवलेल्या अतुलनं आईच्या कष्टाचं केलं चीज:
अतुल आडे हा जिल्ह्यातील हिमायतनगर तालुक्यातील वायवाडी तांडा येथील रहिवासी आहे.अकरावीत शिकत असताना अतुलच्या वडिलांच निधन झालं.घरातील कर्त्या पुरूषाच्या अकाली जाण्याने आडे कुटुंबीयांवर दुःखाचा डोंगर कोसळला. घरची परिस्थिती अत्यंत हालाखीची असल्याने अंकुश आणि अतुल हे दोघे भाऊ पुण्यात कंपनीमध्ये काम करत होते.
वडील आपल्याला सोडून गेले तेव्हा आई एकटी कशी राहणार? म्हणून पुणे सोडण्याचा विचार केला आणि घरी परतले. पुढे शिक्षण घेऊन कोणती तरी छोटी मोठी पोस्ट मिळवावी अशा अपेक्षेने अतुल पळसगाव तांडा येथे आपल्या मावशीकडे शिक्षण घेण्यासाठी गेला. या ठिकाणी दोन वर्ष राहून त्याने शिक्षण पूर्ण केलं. त्यानंतर त्याने स्पर्धा परीक्षेची तयारी केली. एक वर्ष रेल्वेनं हिमायतनगर ते नांदेड अप- डाऊन प्रवास केला. आईनं देखील शेतात मोलमजुरी करून मुलाला शिकवलं. मित्रांचीही त्याला साथ मिळाली. जिद्द, मेहनत आणि मित्राच्या सहकार्याने अतुलने पहिल्याच प्रयत्नात पोलीस उपनिरीक्षक पदाला गवसणी घातली आहे.
कुंकू करदोडे विकणाऱ्या कुटूंबातील किशोर झाला पीएसआय:
किशोर सादूलवारच्या घरची परिस्थिती देखील हालाखीची आहे. किशोरचे वडील बंडू सादुलवार हे भोकर शहरात गाड्यावर कुंकु,करदोडे विक्रीचा व्यवसाय करतात. किशोर देखील आपल्या वडिलांना व्यवसायात हातभार लावण्यासाठी गाड्यावर बसायचा. आई वडीलांनीही काबाडकष्ट करुन किशोरचं स्वप्न पूर्ण करण्यास मदत केली.
वडील गावोगावी कपडे विकतात, कष्टकरी दाम्पत्याच्या लेकीची पोलीस उपनिरीक्षकपदी वर्णी
अधिकारी बनण्याची त्याची इच्छा होती. त्यानुसार त्यानं स्पर्धा परीक्षेची तयारी सुरू केली. २०२१ साली त्यानं पीएसआयची परीक्षा दिली. या परिक्षेत त्यानं यश मिळवत पोलिस उपनिरीक्षकपदी मजल मारली. हालाखीच्या परिस्थितीवर मात करत किशोर सादूलवारनं मिळवलेल्या या यशाच सर्वत्र कौतुक होतं आहे.आपल्या मुलानं स्वप्न पूर्ण केल्यानं आई वडिलांचा आनंद द्विगणीत झाला आहे.
शेतात काम करत माधवनं मिळवलं यश:
नायगाव तालुक्यातील टाकळी गावातील माधव लाकडे याने देखील खडतर प्रवासातून पोलिस उपनिरीक्षक होण्याचं बहुमान मिळवला आहे. शेतात काम करुन माधवने एमपीएससी मार्फत पीएसआय पदाची परीक्षा दिली होती. त्यात त्याने यश मिळवलं आहे . माधवच्या घरची परिस्थिती अत्यंत हलाखीची आहे. आपल्या कुटुंबियांसोबत तो शेतात काम करतो.
विशेष म्हणजे ज्या दिवशी पीएसआय परीक्षेचा निकाल जाहीर झाला, त्या दिवशी तो शेतात काम करत होता. त्याच्या मित्राने परीक्षा उत्तीर्ण झाल्याची माहिती माधवला दिली. परीक्षा उत्तीर्ण झाल्याच समजताच लाकडे कुटुंबियांना आंनद झाला. हालाखीच्या परिस्थितीत ही जिद्द आणि मेहनतीनं माधवने मिळवलेल्या यशाचं गावकऱ्यांकडून कौतुक केलं जातं आहे.
ना अकॅडमी ना क्लास, मनात फक्त ध्यास, शेतकऱ्याच्या मुलीची पहिल्याच प्रयत्नात PSI पदाला गवसणी