याच दरम्यान दुकानात गेलेल्या दोघी जणी बिर्याणीच्या दुकानात परतल्या. त्यानंतर दुकानदाराने या तिघींना बिर्याणीचे पाकीट दिले. त्यानंतर तिन्ही मुली आपल्या घरी परत आल्या. मात्र घरी परतल्यानंतर दहा वर्षाची अल्पवयीन मुलगी जोरजोराने रडू लागली. तिच्या आईने तिला विचारल्यानंतर बिर्याणीच्या दुकानात घडलेला सर्व प्रकार तिने आईला सांगितला. आपल्या मुलीसोबत घडलेला हा धक्कादायक प्रकार कळल्यानंतर मुलीच्या आई-वडिलांनी व कुटुंबीयांनी थेट बोईसर एमआयडीसी पोलीस ठाणे गाठले व आरोपी बिर्याणी दुकानदाराविरोधात तक्रार दाखल केली. याप्रकरणी आरोपी बिर्याणी विक्रेत्या विरोधात पोक्सोसह भादविस 354 कलमान्वये गुन्हा दाखल करण्यात आला आहे. आरोपी बिर्याणी विक्रेत्याला बोईसर पोलिसांनी अटक केली आहे.