अपघात एवढा भीषण होता की, टेम्पो हा चारचाकी गाडीच्या बोनेटवर जाऊन थांबला. यावेळी गाडीत असलेल्या पती -पत्नी आणि त्यांच्या दोन मुलांना किरकोळ जखम झाली आहे. तर टेम्पोतील दोघेजण गंभीर जखमी झाले असून दुचाकीवरील व्यक्ती जखमी झाल्याची माहिती मिळाली आहे. पुणे-सोलापूर महामार्गावर अपघाताचे प्रमाण वाढले आहे. वाहनांवरील अतिवेग हे अपघाताचे महत्वाचे कारण होत असून चालकांनी वाहने नियंत्रणात चालवण्याची आवश्यकता असल्याचे मत जाणकारांनी व्यक्त केले आहे. आजच्या अपघाताने वाहनांचे मोठे नुकसान झाले आहे. जखमींवर तातडीने उपचार सुरू करण्यात आले असून त्यांची ओळख पटविण्याचे काम सुरू आहे.