कसा आहे मार्ग?

गोरेगाव येथील या उड्डाणपुलाचे राम मंदिर रोड ते रिलीफ रोडपर्यंत एस. व्ही. रोड लगत विस्तारी-करण केले जात आहे. वाढीव कामामुळे याचा खर्च २५० कोटी रुपयांवर पोहोचला आहे. मृणालताई गोरे उड्डाणपुलाच्या पहिल्या टप्प्यातील काम २०१६ मध्ये पूर्ण झाले. या पुलामुळे एस. व्ही. रोडवरून पश्चिम द्रुतगती महामार्गावर पोहोचणे सोपे झाले. या पुलाच्या बांधकामासाठी २५५ कोटी रुपये खर्च करण्यात आले होते. या पुलाच्या बांधकामानंतर राम मंदिर रोड ते रिलीफ रोडपर्यंत एस. व्ही. रोडलगत पुलाच्या विस्तारित बांधकामाला प्रत्यक्षात मार्च २०१९ पासून सुरुवात झाली.GMLR: ‘फिल्म सिटी’ ते खिंडीपाडा भुयारी बोगदे, संजय गांधी राष्ट्रीय उद्यानाखालून खोदकाम; लिंक रोडचा तिसरा टप्पा सुरू

७५० मीटर लांबीच्या या विस्तारित पुलाच्या बांधकामामध्ये जागेची अडचण आणि जलद बांधकाम करण्यासाठी या उड्डाणपुलाचे सुपर स्ट्रक्चर स्टीलने बांधण्यासाठी डिझाइन केले आहे. हा पूल अत्यंत वर्दळीचा रस्ता असलेल्या एस. व्ही. रोड, राम मंदिर रोड आणि रिलीफ रोड या जंक्शनवरून जात आहे. तसेच वालभट नदी (राम मंदिर रोड) आणि ओशिवरा नदी (एस. व्ही. रोड) या दोन प्रमुख नद्यांवरून हा पूल जात आहे. येथून तासंतास होणाऱ्या प्रवासातून नागरिकांची सुटका होऊन हा प्रवास २० मिनिटांत होणार आहे.

स्टील गर्डरचा वापर

हा पूल वालभट नदी (राम मंदिर रोड) आणि ओशिवरा नदी (एस. व्ही. रोड) या दोन प्रमुख नद्यांवरून जात आहे. त्यामुळे या नद्यांच्या परिसरातील स्ट्रक्चरल स्टील बांधकामाला प्रचंड गंज चढू शकतो, तसेच या नदीवर भरती वा ओहोटीचा परिणाम होत असल्याने स्ट्रक्चरल स्टील बांधकाम गंजू शकते. त्यामुळे या उड्डाणपुलाच्या सुपर स्ट्रक्चरमध्ये स्टेनलेस स्टील गर्डर टाकण्यात आले आहे.

Pune-Nagar Highway: देशातील सर्वात लांब उड्डाणपूल पुणे-नगर महामार्गावर, पुणे-शिरूर 31 किमी लांब रस्ता; प्रवासात वेळ वाचणार

‘मृणालताई गोरे उड्डाणपूल येत्या पावसाळ्याआधी पूर्ण करण्याचा प्रयत्न आहे. हे काम अंतिम टप्प्यात असून, पूल सुरू झाल्यास वाहनचालकांना दिलासा मिळेल,’ अशी माहिती मुंबई महापालिकेचे अतिरिक्त आयुक्त अभिजीत बांगर यांनी दिली आहे.