काँग्रेसचा संचालक फोडला, ‘नऊ’चे दहा करुन भाजप-शिवसेना-राष्ट्रवादी सत्तेतनुकत्याच झालेल्या निवडणुकीमध्ये १८ संचालकांमधून राष्ट्रवादी व भाजपाचे प्रत्येकी ९-९ सदस्य निवडून आले होते. मात्र एका आठवड्यापूर्वी राष्ट्रवादीचे नवनिर्वाचित संचालक संपत निंबाळकर यांचे निधन झाल्याने राष्ट्रवादीची १ जागा कमी झाली होती. त्यामुळे आज पुन्हा निवडणूक घेण्यात आली.
यात भाजपाचे गणेश जगदाळे यांच्या विरोधात राष्ट्रवादीचे बाळासाहेब शिंदे तर शरद कोळपे यांच्या विरोधात राष्ट्रवादीच्या वर्षां मोरे यांच्यामध्ये यांनी अर्ज दाखल केले होते. मात्र यामध्ये भाजपाचे गणेश जगदाळे आणि शरद कोळपे यांना प्रत्येकी ९ मते पडली तर राष्ट्रवादीच्या उमेदवारांना प्रत्येकी आठ मते पडली. त्यामुळे निवडणूक निर्णय अधिकारी हर्षित तावरे यांनी जगदाळे व शरद कोळपे यांना विजयी घोषित केले.
भरत जाधवजी, माफी मागताना प्रेक्षकांचे काही पैसे परत केलेत का? उदय सामंत यांचा टोला
या विजयामुळे भाजपने इतिहासात पहिल्यांदा आपली सत्ता दौंड कृषी उत्पन्न बाजार समितीवर मिळवली आहे. यावेळी आमदार राहुल कुल यांनी स्वतः उपस्थित राहून नवनिर्वाचित पदाधिकाऱ्यांचा सत्कार केला. गेल्या २३ वर्षांच्या इतिहासामध्ये आमदार कुल यांनी पहिल्यांदाच दौंड बाजार समितीमध्ये शिरकाव केला आहे.