वृद्ध दाम्पत्याने घराचा दरवाजा उघडला नव्हता

कृष्णानगरमध्ये काल रविवारी दुपारी 12 वाजण्याच्या सुमारास दुहेरी हत्याकांडाची घटना उघडकीस आली आहे. दररोज सकाळपासून दिसणारी मंचाळ आजी दुपार झाली तरी दिसत नव्हती. मंचाळ दाम्पत्याने दुपार झाली तरी दरवाजा का उघडला नाही, अशी शंका आल्यानंतर शेजाऱ्यांनी दार ठोठावून पाहिलं. मात्र, आतून कोणताही प्रतिसाद मिळाला नाही. त्यामुळे आजूबाजूच्या शेजाऱ्यांची शंका अधिकच बळावली. पुढच्या काही क्षणात शेजाऱ्यांनी मंचाळ यांच्या घराचा दरवाजा तोडून पाहिलं असता महादेव मंचाळ आणि त्यांच्या पत्नी रंगम्मा मंचाळ हे वृद्ध दाम्पत्य मृतावस्थेत दिसलं. हे दृश्य पाहून शेजाऱ्यांच्या पायाखालची जमीन सरकली.
Crime News : ‘खतरों के खिलाडी’ शोसाठी 50 लाख घेतले, संभाजीनगरच्या प्राध्यापकाला तिघांनी संपवलं, जंगलात ‘दृश्यम’ स्टाईल बॉडी पुरली, 40 दिवसांनी गूढ उकललं

दोघांचे मृतदेह शासकीय रुग्णालयात पाठवले

घटनेची माहिती मिळताच, एमआयडीसी पोलिसांचा फौजफाटा घटनास्थळी दाखल झाला. पोलीस निरीक्षक विजय खोमणे आणि त्यांच्या टीमने घटनेचा पंचनामा करुन दोघांचे मृतदेह येथील शासकीय रुग्णालयात शवविच्छेदनासाठी पाठवले. काल रविवारी सांयकाळनंतर मृतदेह अंत्यसंस्कारसाठी नातेवाईकांच्या ताब्यात दिल्याचं पोलीस सुत्रांकडून सांगण्यात आलं.

गुदमरुन मृत्यू; शवविच्छेदन अहवालात माहिती

मृत महादेव मंचाळ आणि त्यांची पत्नी रंगम्मा मंचाळ यांच्या मृतदेहाचे शवविच्छेदन करण्यात आले. शवविच्छेदनाचा प्राथमिक अहवाल पोलिसांना प्राप्त झाला असून दोघांचा श्वासोच्छवास रोखण्यात आला होता आणि, त्यातून त्यांचा गुदमरुन मृत्यू झाला, असं या अहवालात नमूद करण्यात आलं आहे.
Ahilyanagar Crime : विरोध करताच मारण्याची धमकी, कीर्तनकार महाराजकडून अल्पवयीन मुलीवर पाच वर्ष अत्याचार; वारकरी संप्रदायला काळिमा

श्वासोच्छवास रोखला गेला

महादेव आणि त्यांच्या पत्नी रंगम्मा यांचा श्वासोच्छवास रोखला गेला होता. यातच त्यांचा मृत्यू झाला आहे, असं शवविच्छेदन अहवालात नमूद केलं आहे. वृद्ध मंचाळ पती पत्नीचा श्वास नेमका रोखला कोणी? तोंडावर उशी किंवा अन्य काही ठेवले का? हे कृत्य कोणी केलं असावं? यादृष्टीने एमआयडीसी पोलिसांचा तपास सुरु आहे.