पुणे : एखाद्या सिनेमात घडवा असा प्रसंग पुण्यात घडला आहे. एका ग्रामसेवकाचे सिनेस्टाईल अपहरण करत बंद असलेल्या हॉटेलमध्ये हातपाय बांधून ठेवले. जीवे मारण्याची धमकी दिली. तसेच ग्रामसेवकाला विषारी औषध पाजण्याची धमकी देत गुगल पे ने ७३ हजार रुपयांची खंडणी उकळली. तसेच मोबाईल आणि कार बळजबरीने ताब्यात घेत आणखी दीड लाखांची मागणी केल्याची धक्कादायक घटना खडकवासला धरणाला लागून असलेल्या हवेली तालुक्यातील कुडजे या गावच्या हद्दीत घडली आहे.या प्रकरणी विकास प्रकाश गायकवाड (वय ३८ वर्ष, रा. कुडजे , ता. हवेली जि. पुणे) व त्याच्या इतर दोन अज्ञात साथीदारांच्या विरोधात उत्तम नगर पोलीस ठाण्यात गुन्हा दाखल करण्यात आला आहे. तीन आरोपींपैकी पोलिसांनी दोघांना अटक केली आहे. या प्रकरणी ग्रामसेवक महेशकुमार खाडे यांनी फिर्याद दिली आहे.
याबाबत पोलिसांनी दिलेल्या माहितीनुसार, कुडजे गावातून गुरुवारी संध्याकाळी आपले कार्यालयीन कामकाज आवरून घरी चालले होते. यावेळी खाडे हे कुडजे गावच्या स्मशानभूमी जवळ आले असता दुचाकीवरून आलेल्या दोन आरोपींनी खाडे यांच्या चारचाकी समोर बियरची बाटली फोडली आणि खाडे यांची गाडी अडवली. हॉर्न का वाजवला याचे कारण काढून त्यांनी वाद घालण्यास सुरुवात केली. त्यानंतर त्यांनी खाडे यांना जबरदस्तीने एका हॉटेलवर नेले आणि त्यांचे हात पाय बांधून ठेवले.
याबाबत पोलिसांनी दिलेल्या माहितीनुसार, कुडजे गावातून गुरुवारी संध्याकाळी आपले कार्यालयीन कामकाज आवरून घरी चालले होते. यावेळी खाडे हे कुडजे गावच्या स्मशानभूमी जवळ आले असता दुचाकीवरून आलेल्या दोन आरोपींनी खाडे यांच्या चारचाकी समोर बियरची बाटली फोडली आणि खाडे यांची गाडी अडवली. हॉर्न का वाजवला याचे कारण काढून त्यांनी वाद घालण्यास सुरुवात केली. त्यानंतर त्यांनी खाडे यांना जबरदस्तीने एका हॉटेलवर नेले आणि त्यांचे हात पाय बांधून ठेवले.
त्यानंतर अपहरणकर्त्यांनी एक औषधाची बाटली दाखवत ‘आत्ताच्या आत्ता पैसे दे नाहीतर तुला हे औषध पाजून मारून टाकू’ अशी धमकी दिली. घाबरलेल्या खाडे यांनी स्वतःच्या खात्यात असलेले ४९ हजार रुपये व आपल्या मित्राकडून आणखी २४ हजार मागून एकूण ७३ हजार रुपये आरोपींना ऑनलाईन गुगल पे करून दिले. आरोपींनी खाडे यांचा मोबाईल व कारची चावी काढून घेत, उद्या आणखी दीड लाख रुपये आणून दे नाहीतर तुझ्यासह संपूर्ण कुटुंबाला मारून टाकू’ अशी धमकी देखील दिली आहे.
मित्र-मैत्रिण फिरण्यासाठी गेले, रस्त्यातच नराधमांनी अडवलं, एकाने छेड काढली, दुसऱ्याने गोळी घातली
या प्रकरणी उत्तम नगर पोलिसांनी गुन्हा दखल केला असून विकास प्रकाश गायकवाड हा सराईत गुन्हेगार असून त्यांच्यावर संघटीत गुन्हेगारी (मोक्का) अंतर्गत करण्यात यावी अशी मागणी पुणे जिल्हा ग्रामसेवक संघटनेचे जिल्हाध्यक्ष श्रीकांत वाव्हळ यांनी केली आहे .
CCTV | हाच तो घाताचा क्षण, डम्परच्या धडकेत बाईक आडवी, टँकरखाली डोकं चिरडून नवविवाहिता ठार