तालुक्यातील धुमोडी, वेळूंजे, ब्राह्मणवाडे या ठिकाणी बिबट्याच्या हल्ल्यात आधीच काही जणांचा मृत्यू झाल्याची घटना घडली होती. त्यांनतर आता पिंपळद येथे ही घटना घडली आहे. या घटनेची माहिती मिळताच पूर्व विभागाचे वनपरिक्षेत्र अधिकारी विवेक भदाणे व त्यांचे पथक घटनास्थळी दाखल झाले. संतप्त नागरिकांनी यावेळी वन विभागाच्या पथकाला घेराव घातला. वेळोवेळी मागणी करूनही वन विभाग दुर्लक्ष करत असल्याचा जाब गावकऱ्यांनी विचारला. यानंतर वन विभागाने तातडीने उपाययोजना करत पाच पिंजरे मागवत बिबट्यांचा वावर असलेल्या ठिकाणी ते बसवले आहेत.