डॉ. निलेश जेजुरकर यांच्याविरुद्ध डॉ. मनिषा जेजुरकर यांच्या आत्महत्या प्रकरणी गुन्हा दाखल झाल्यानंतर ते फरार आहेत. त्यांनी न्यायालयात अटकपूर्व जामिनासाठी अर्ज दाखल केला असून सोमवारी त्यावर सुनावणी होणार आहे.

अटकपूर्व जामिनावर न्यायालय काय निर्णय देणार?

डॉ. निलेश जेजुरकर यांनी दाखल केलेल्या अटकपूर्व जामिनाच्या अर्जावर सुनावणी करताना न्यायालय काय निर्णय घेणार, याकडे सगळ्यांचं लक्ष लागलं आहे.

Solapur News : पत्नी पोलीस दलात, स्वत: एसआरपीएफमध्ये; जवानाने अचानक स्वतःला संपवलं, हसता-खेळता संसार उद्ध्वस्त

नातेवाईकांचे गंभीर आरोप

डॉ. मनिषा जेजुरकर यांनी आत्महत्या केल्यानंतर त्यांच्या माहेरच्या नातेवाईकांनी डॉ. निलेश जेजुरकर यांच्यावर विवाहबाह्य संबंध असल्याचा आरोप केला होता. तसेच डॉ. मनिषा यांच्या आत्महत्येस तेच जबाबदार असल्याचा आरोपही नातेवाईकांकडून करण्यात आला आहे.

निलेश जेजुरकर हे नाशिक येथील जिल्हा शासकीय रुग्णालयात मानसोपचार तज्ञ म्हणून कार्यरत आहेत.

Lakhpati Didi Yojana : ग्रामीण रणरागिणींची दमदार भरारी; 37 लाख ‘लखपती दीदी’, आता 25 लाख नव्या उद्योजकांचं लक्ष्य

दरम्यान, गंगापूर रोड परिसरातील डी. के. नगर येथे राहणाऱ्या प्रसिद्ध आयुर्वेदिक तज्ञ डॉ. मनिषा जेजुरकर (वय ४०) यांनी ६ मार्च रोजी सकाळी साडेअकराच्या सुमारास राहत्या घरी खिडकीच्या लोखंडी रॉडला नायलॉन दोरीने गळफास घेऊन आत्महत्या केल्याची घटना घडली होती. बेशुद्ध अवस्थेत त्यांना दुपारी २.४० वाजता जिल्हा शासकीय रुग्णालयात दाखल करण्यात आले होते. मात्र. डॉक्टरांनी त्यांना मृत घोषित केले. या प्रकरणी गंगापूर पोलीस ठाण्यात अकस्मात मृत्यूची नोंद झाली असून पुढील तपास सुरू आहे.