मंत्री अतुल सावे यांनी दिलेल्या माहितीनुसार, त्यांच्या पुतण्याचा खांदेवाडी येथे गेल्या दोन वर्षांपासून काँक्रीट प्लांट सुरळीत सुरू आहे. आज अचानक काही गुंड प्रवृत्तीच्या लोकांनी तिथे गाड्या आणून रस्ता रोखला आणि हुज्जत घालण्यास सुरुवात केली. मंत्री सावे यांच्या भावाने “रस्त्याचा काही विषय असेल तर जिल्हाधिकाऱ्यांना पत्र देऊ किंवा मोजणी करून घेऊ,” अशी समजूत काढण्याचा प्रयत्न केला. मात्र, काहीही न ऐकता गुंडांनी भावाला धक्काबुक्की सुरू केली. पुतण्या मध्यस्थी करण्यासाठी गेला असता त्याच्या डोक्यात बुलेटच्या लोखंडी रॉडने आणि कड्याने गंभीर वार करण्यात आले.

Mumbai Local : मुंब्रा-दिवा वळणावर महिला थेट लोकल ट्रेनमधून खाली पडली, घटना कॅमेऱ्यात कैद

पुतण्याची प्रकृती चिंताजनक; ‘आयसीयू’त उपचार सुरू

हल्ल्यात पुतण्याच्या डोक्याला गंभीर दुखापात झाली असून मोठी खोच पडली आहे. सुरुवातीला सरकारी रुग्णालयात नेऊन टाके घातल्यानंतर त्याला पुढील उपचारासाठी ‘सिग्मा’ रुग्णालयातील आयसीयूमध्ये हलवण्यात आले आहे. तो सध्या डॉक्टरांच्या कडक निगराणीखाली असून त्याची प्रकृती चिंताजनक असल्याचे मंत्री सावे यांनी सांगितले. या हल्ल्यादरम्यान भावाच्या खिशातील पैसेही काढून घेण्यात आल्याचा आरोप त्यांनी केला आहे.

Eknath Shinde : ब्रिटनच्या संसदेत एकनाथ शिंदे यांचं अस्खलित इंग्रजीत भाषण, नेमकं काय म्हणाले?

‘स्थानिक गुंडांची हप्ता वसुली अन् दादागिरी’; पोलिसांत पुराव्यांसह तक्रार

“स्थानिक गुंड प्रवृत्तीचे लोक एमआयडीसी आणि इंडस्ट्रियल भागात दादागिरी करून हप्ता वसुली करण्याचा प्रयत्न करतात. त्याच हेतूने त्यांनी जीवे मारण्याच्या उद्देशाने हा हल्ला केला आहे. घटनेचे सर्व फोटो आणि व्हिडिओ पोलिसांना दिले असून त्यात सर्व आरोपी स्पष्ट दिसत आहेत,” अशी माहिती अतुल सावे यांनी दिली. त्यांनी पोलीस अधीक्षक, पोलीस निरीक्षक आणि विशेष पोलीस महानिरीक्षकांशी थेट संपर्क साधून या गुंडांचा तत्काळ बंदोबस्त करण्याचे निर्देश दिले आहेत.