लहान मुले उत्सुकतेपोटी नवनवीन गोष्टी बनवण्याचा प्रयत्न करत असतात. कोल्हापूरच्या केर्ली गावातील चिमुकल्याने भंगारातून थेट दुचाकी बनवली. इयत्ता आठवीत शिकणाऱ्या समर्थ पाटीलने ही कमाल करून दाखवली. जुनी सायकल व बाईक इंजिन वापरून समर्थने एक जुगाडू दुचाकी तयार केली. घरातील दोन सायकल व भंगारातील साहित्यापासून त्याने दुचाकीची निर्मिती केली. भविष्यात अशाच पद्धतीने चालती-फिरती चार चाकी बनवण्याचा त्याचा मानस आहे.