म. टा. विशेष प्रतिनिधी, नाशिक: आश्रमशाळांमधील विद्यार्थ्यांना मूलभूत सुविधा मिळत नसल्याच्या निषेधार्थ नाशिकमध्ये गेल्या दोन आठवड्यांपासून सुरू असलेले उपोषण मागे घेतल्यानंतर आदिवासी आंदोलकांनी आता मुंबईकडे मोर्चा वळवला आहे. आदिवासी विकासमंत्री डॉ. अशोक उईके यांचा राजीनामा, तसेच विभागाचे सचिव विजय वाघमारे आणि आयुक्त लीना बनसोड यांना पदावरून हटविण्याच्या मागणीसाठी मुंबईत उलगुलान महामोर्चा काढण्याचा निर्णय घेण्यात आला आहे.

नाशिकमध्ये धरणे आंदोलन कायम ठेवत पुढील आठवड्यात आदिवासी विद्यार्थ्यांचे प्रश्न सोडविणे आणि संबंधित मंत्री-अधिकाऱ्यांवर कारवाई करण्याच्या मागणीसाठी हा मोर्चा काढण्यात येणार आहे. या उलगुलान आंदोलनात‘ सीजेपी’चे अध्यक्ष अभिजित दीपके यांच्यासह राज्यभरातील आदिवासी आंदोलक सहभागी होणार असल्याचे सांगण्यात येत आहे. त्यामुळे सरकारसमोर उलगुलान आंदोलनाचे नवे आव्हान उभे ठाकण्याची शक्यता आहे.

Nashik News: कृषिसेवा केंद्रांना दणका, नियमांचे उल्लंघन करणाऱ्या 13 केंद्रांचे परवाने निलंबितराज्यातील आदिवासी वसतिगृहांमधील असुविधा, सेंट्रल किचन रद्द करणे, डोनेशनच्या नावाखाली आदिवासी विद्यार्थ्यांची होणारी आर्थिक लूट, तसेच गेल्या दोन वर्षांत वसतिगृहांतील ५९३ विद्यार्थ्यांच्या मृत्यूचा मुद्दा उपस्थित करीत आदिवासी विद्यार्थी आक्रमक झाले आहेत. या सर्व परिस्थितीसाठी आदिवासी विकासमंत्री डॉ. अशोक उईके, विभागाचे सचिव विजय वाघमारे आणि आयुक्त लीना बनसोड जबाबदार असल्याचा आरोप संघटनांनी केला आहे.

डॉ. उईके यांचा राजीनामा घेण्यात यावा, तसेच सचिव वाघमारे आणि आयुक्त बनसोड यांना तातडीने हटवावे, या मागणीसाठी राहुल पावरा, लक्ष्मी जाधव आणि विवेक गावित यांनी दोन आठवड्यांपासून बेमुदत उपोषण सुरू केले होते. त्याचबरोबर विद्यार्थ्यांचे धरणे आंदोलनही सुरू होते. हे आंदोलन मागे घेण्यासाठी आदिवासी आयुक्तालयाकडून प्रयत्न झाले; मात्र ते निष्फळ ठरले. उलट आंदोलनाला विद्यार्थ्यांचा प्रतिसाद वाढत गेला.

शासनाकडून आंदोलनाची दखल घेतली जात नसल्याने संतप्त आंदोलनकर्त्यांनी १ सप्टेंबर रोजी आदिवासी आयुक्तालयावर उलगुलान महामोर्चा काढत जोरदार शक्तिप्रदर्शन केले आणि मागण्यांवर ठाम असल्याचे दाखवून दिले.

Ashram School: आश्रमशाळांमधील दोन विद्यार्थिनींचा करुण अंत; नाशिक जिल्ह्यातील घटना, 3 अधिकाऱ्यांचे निलंबनत्यानंतर सीजेपी प्रमुख अभिजित दीपके, काँग्रेस नेते राहुल गांधी, शिवसेना ठाकरे गटाचे नेते आदित्य ठाकरे यांच्यासह विविध नेत्यांनी आंदोलकांची भेट घेऊन आंदोलनाला पाठिंबा दिला. अखेर शुक्रवारी जिल्हाधिकारी आयुष प्रसाद आणि पोलिस आयुक्त संदीप कर्णिक यांनी मध्यस्थी केल्यानंतर तिन्ही विद्यार्थ्यांनी आमरण उपोषण मागे घेतले. मात्र, नाशिकमधील आंदोलन कायम ठेवत मुंबईत उलगुलान महामोर्चा काढण्याचा निर्धार यावेळी करण्यात आला.

महाविकास आघाडीचे बळ

नाशिकमध्ये लोकसभेतील विरोधी पक्षनेते राहुल गांधी, शिवसेना उबाठा नेते आदित्य ठाकरे, सीजेपीचे अभिजित दीपके यांनीही उपोषणकर्त्यांची भेट घेऊन त्यांना पाठिंबा दिला होता. त्यामुळे मुंबईत होणारा उलगुलान महामोर्चा राज्यव्यापी स्वरूपाचा राहण्याची शक्यता आहे. या मोर्चात अभिजित दीपके, आदित्य ठाकरे यांच्यासह राहुल गांधीदेखील उपस्थित राहण्याची शक्यता वर्तवली जात आहे.

लेखकाबद्दलकिशोरी तेलकर किशोरी तेलकर

किशोरी तेलकर महाराष्ट्र टाइम्स ऑनलाइनमध्ये कन्सल्टंट या पदावर कार्यरत आहेत. किशोरी या २०२२पासून मटा ऑनलाइन सोबत जोडलेल्या आहेत. राजकारण, हायपर लोकल स्टोरी, क्राईम बातम्या, महिलांविषयक समस्या, गाव खेड्यातल्या बातम्या करण्याचा त्यांचा अनुभव आहे.

पत्रकारितेतील अनुभव
किशोरी यांना वृत्तपत्र, टीव्ही आणि डिजिटल माध्यमांमधील ६ वर्षांचा अनुभव आहे. किशोरी यांनी सकाळ वृत्तपत्रातून पत्रकारितेला सुरुवात केली. सकाळ वृत्तपत्रात काम करतांना त्यांनी प्रिंट मीडियासोबतच सोशल मीडिया हॅंडलिंग, वेबसाईटचेही काम केलं आहे. सध्या चार वर्षांपासून त्या महाराष्ट्र टाइम्स ऑनलाईनमध्ये कार्यरत आहेत. लेखन कौशल्याच्या जोरावर सामाजिक समस्या, शाळा- कॉलेज विद्यार्थी समस्या, आरोग्य टिप्स, महिलांविषयक प्रश्न, फॅशन, लाइफस्टाइल या विविध विषयांवर त्यांनी बातम्या केल्या आहेत.

शैक्षणिक पात्रता
किशोरी तेलकर यांनी कै. बिंदू रामराव देशमुख कला व वाणिज्य महिला महाविद्यालय, नाशिकरोड येथून एम.कॉम पदवी संपादन केली. त्यानंतर गोखले एज्युकेशन सोसायटीचे एच.पी.टी आर्ट्स अँड आर.वाय.के सायन्स कॉलेजमधून कम्युनिकेशन अँड जर्नलिझम विषयात पदव्युत्तर शिक्षण घेतलं आहे. जर्नलिझमचे शिक्षण घेत असतानाच किशोरी यांनी देशदूत, दिव्यमराठी सारख्या वृत्तपत्रात इंटर्नशिप केलेली आहे. मराठी भाषेवर प्रभुत्व असून हिंदी, इंग्रजी भाषाही त्यांना अवगत आहेत.… आणखी वाचा