मुंबई : सप्टेंबर पहिल्या आठवड्याच्या अखेरीस देशात सरासरीपेक्षा १३ टक्के पावसाची तूट असून, राज्यात १४ टक्के तूट आहे. मात्र, गेल्या काही दिवसांपासून पावसाने घेतलेल्या विश्रांतीच्या स्थितीमध्ये फारशी सुधारणा होण्याची चिन्हे नाहीत. भारतीय हवामान विभागाने जारी केलेल्या पुढच्या चार आठवड्यांच्या अंदाजानुसार ही माहिती देण्यात आली आहे.
तीन सप्टेंबरपासून १० सप्टेंबरपर्यंतच्या आठवड्यामध्ये राज्यभरात पावसाचे प्रमाण सरासरीपेक्षा कमी असेल. त्यानंतर विदर्भाला फायदा होण्याची शक्यता आहे. बंगालच्या उपसागरातील प्रणालीमुळे विदर्भाला फायदा मिळू शकतो. त्या पुढच्या आठवड्यांसाठी वर्तवण्यात आलेल्या अंदाजाबद्दल खात्री कमी असली तरी नंतरच्या दोन आठवड्यांमध्ये मराठवाडा आणि कोकणाला फायदा होऊ शकेल.
Eknath Shinde: SRAचे दोन अधिकारी निलंबित; जोगेश्वरीतील प्रकल्पात सदनिका वाटपप्रकरणी कारवाईचे एकनाथ शिंदेंचे निर्देश१७ ते २४ सप्टेंबर या काळात उत्तर कोकणामध्ये ही तूट अधिक वाढेल, अशीही शक्यता आहे. त्यानंतर २४ सप्टेंबर ते एक ऑक्टोबर या कालावधीत अरबी समुद्रात पाऊस सक्रिय असण्याची शक्यता आहे. या वेळी गोवा, कर्नाटक, केरळ या राज्यांनाही फायदा होऊ शकतो. यंदा गोव्यामध्येही पावसाची मोठी तूट आहे.
एक जून ते चार सप्टेंबर या कालावधीत गोव्यामध्ये ३३ टक्के तूट असून कर्नाटकमध्ये २४ आणि केरळमध्ये २३ टक्के पावसाची तूट आहे. सप्टेंबरमधील पावसामुळे ही तूट भरून निघण्यास खूप मदत होईल का, याचा अंदाज दोन आठवड्यांनंतर येऊ शकेल. कोकण विभागामध्ये एक जून ते चार सप्टेंबर या काळात मुंबई शहर जिल्ह्यात दोन टक्के तूट, मुंबई उपनगर जिल्ह्यात दहा टक्के अतिरिक्त, पालघर जिल्ह्यात २५ टक्के अतिरिक्त, ठाणे जिल्ह्यात सात टक्के तूट, रायगड जिल्ह्यात सरासरीइतका, रत्नागिरी जिल्ह्यात १३ टक्के तूट तर सिंधुदुर्ग जिल्ह्यात ३४ टक्के तूट आहे.
Dahi Handi 2026: दृष्टीआडची जिद्द, थरांवरची भरारी! 2017पासून महिला गोविंदांची परंपरा; यंदा तीन थरांचे आव्हान पेलणार कोयना धरण भरले
सातारा : कोयना धरणाच्या पाणलोट क्षेत्रात जुलैअखेरच्या अतिवृष्टीने दमदार पाणीसाठा झाला. त्यामुळे धरणात १०५ अब्ज घनफूट (टीएमसी) पाणीसाठा झाला असून सातारा, सांगली, सोलापूर जिल्ह्यांच्या दुष्काळी भागाला दिलासा मिळाला आहे. या वर्षी सिंचनाची समस्या पूर्णपणे मिटली असून, दुष्काळी तालुक्यांना कोयनेचा पाणीसाठा यावर्षी वरदान ठरणार आहे. धरणात सध्या सात हजार ७३७ टीएमसी पाण्याची आवक आहे, तर पाणीसाठा १०५.२५ टीएमसीवर पोहोचला आहे. धरण पूर्ण क्षमतेने भरल्याने पाणलोट क्षेत्रात पावसाचे प्रमाण वाढल्यास विसर्ग करावा लागणार आहे. गुरुवारी दुपारी कोयना धरणाने पाणीसाठ्याचा निर्धारित साठा पूर्ण केला.
दुष्काळ जाहीर करण्याची रोहित पवारांची मागणी
मुंबई : पावसाळा सुरू होऊन तीन महिने झाले तरी राज्यातील ३६ पैकी तब्बल ३१ जिल्ह्यांमध्ये सरासरीच्या तुलनेत अत्यंत कमी पाऊस झालेला असून मोठ्या प्रमाणात पावसाची तूट निर्माण झाली आहे. शेतातील पिके करपत आहेत, विहिरींनी तळ गाठला आहे, बोअरवेल बंद पडत आहेत. जलाशयांमधील पाणीसाठ्यातही मोठी घट होत आहे. एकंदरीतच बळीराजा मोठ्या अडचणीत सापडला आहे. त्यामुळे राज्यात दुष्काळ घोषित करून त्याच्या उपाययोजना कराव्यात, अशी मागणी राष्ट्रवादी काँग्रेस शरदचंद्र पवार पक्षाचे आमदार रोहित पवार यांनी मुख्यमंत्र्यांकडे पत्राद्वारे केली आहे.
लेखकाबद्दलकिशोरी तेलकर किशोरी तेलकर
किशोरी तेलकर महाराष्ट्र टाइम्स ऑनलाइनमध्ये कन्सल्टंट या पदावर कार्यरत आहेत. किशोरी या २०२२पासून मटा ऑनलाइन सोबत जोडलेल्या आहेत. राजकारण, हायपर लोकल स्टोरी, क्राईम बातम्या, महिलांविषयक समस्या, गाव खेड्यातल्या बातम्या करण्याचा त्यांचा अनुभव आहे.
पत्रकारितेतील अनुभव
किशोरी यांना वृत्तपत्र, टीव्ही आणि डिजिटल माध्यमांमधील ६ वर्षांचा अनुभव आहे. किशोरी यांनी सकाळ वृत्तपत्रातून पत्रकारितेला सुरुवात केली. सकाळ वृत्तपत्रात काम करतांना त्यांनी प्रिंट मीडियासोबतच सोशल मीडिया हॅंडलिंग, वेबसाईटचेही काम केलं आहे. सध्या चार वर्षांपासून त्या महाराष्ट्र टाइम्स ऑनलाईनमध्ये कार्यरत आहेत. लेखन कौशल्याच्या जोरावर सामाजिक समस्या, शाळा- कॉलेज विद्यार्थी समस्या, आरोग्य टिप्स, महिलांविषयक प्रश्न, फॅशन, लाइफस्टाइल या विविध विषयांवर त्यांनी बातम्या केल्या आहेत.
शैक्षणिक पात्रता
किशोरी तेलकर यांनी कै. बिंदू रामराव देशमुख कला व वाणिज्य महिला महाविद्यालय, नाशिकरोड येथून एम.कॉम पदवी संपादन केली. त्यानंतर गोखले एज्युकेशन सोसायटीचे एच.पी.टी आर्ट्स अँड आर.वाय.के सायन्स कॉलेजमधून कम्युनिकेशन अँड जर्नलिझम विषयात पदव्युत्तर शिक्षण घेतलं आहे. जर्नलिझमचे शिक्षण घेत असतानाच किशोरी यांनी देशदूत, दिव्यमराठी सारख्या वृत्तपत्रात इंटर्नशिप केलेली आहे. मराठी भाषेवर प्रभुत्व असून हिंदी, इंग्रजी भाषाही त्यांना अवगत आहेत.… आणखी वाचा