Nashik Shiv Sena Uday Samant : शिवसेनेच्या इतिहासात कोणीही अडीच तास पदाधिकारी आणि कार्यकर्त्यांचे म्हणणे ऐकून घेतलेले नाही. त्यामुळे शिंदे यांनी तुमच्या सूचना आणि अपेक्षा नोंदवून घेतल्या असून, मनभेद-मतभेद बाजूला ठेवून पक्षवाढीचे काम आणि नाशिक जिल्हा परिषदेवर शिवसेनेचा झेंडा फडकवा, असं आवाहन उद्योगमंत्री उदय सामंत यांनी पदाधिकाऱ्यांनी केले. तसेच, यापुढे संघटनेसाठी जो योगदान देईल, त्यालाच पदे मिळतील, असे सांगत, पक्षात आयारामांना संधी नको असेल तर आपला उमेदवार स्टाँग हवा आणि त्यासाठी प्रयत्न करा, असा सल्लाही त्यांनी पदाधिकाऱ्यांना दिला.
आगामी जिल्हा परिषद आणि पंचायत समित्यांच्या निवडणुकांच्या पार्श्वभूमीवर खासदार श्रीकांत शिंदे यांच्या शिवसंवाद दौऱ्याअंतर्गत सोमवारी (दि. १८) इगतपुरी आणि देवळाली मतदारसंघातील पदाधिकाऱ्यांशी संवाद साधण्यात आला. यावेळी पाटील, सामंत यांच्यासोबतच शिक्षणमंत्री दादा भुसे, सचिव भाऊसाहेब चौधरी, संपर्कप्रमुख आमदार सुहास कांदे, उपनेते अजय बोरस्ते, विजय करंजकर, आनंद परांजपेंसह पदाधिकारी उपस्थित होते. तब्बल अडीच तास चाललेल्या बैठकीत पदाधिकारी आणि कार्यकर्त्यांनी पक्षांतर्गत गटबाजी आणि मतभेदाची कबुली देतानाच, पाठबळ मिळत नसल्याची खंत व्यक्त केली. यावेळी पाटील, सामंत यांनी पदाधिकाऱ्यांची काउघडणी केली. गावात हनुमानाचे मंदिर असेल तर भूत येत नाही. तसेच शिवसेनेची शाखा लावल्यास दुसरे पक्ष येणार नाहीत, असे सांगत शाखांमध्ये नियमित बैठका घेण्याचे आवाहन त्यांनी पदाधिकाऱ्यांना केले. ज्याचा संपर्क चांगला, त्याला कोणी हरवू शकत नसल्याचे त्यांनी यावेळी कार्यकर्त्यांना सांगितले. समोरचा शत्रू मजबूत आहे. त्यामुळे सगळ्या जागा लढण्याची ताकद ठेवा, असे आवाहन पाटील यांनी यावेळी केले.
Nashik News : हमीभावासाठी शेतकऱ्यांचा एल्गार! आमदार रोहित पवार आक्रमक, कांदा दरावरुन लासलगावी आंदोलन; नेमक्या मागण्या काय?
…तर एकही सदस्य येणार नाही!
देवळाली मतदारसंघात वरून चांगली स्थिती दिसत असली तरी, संघटना खिळखिळी झाल्याचा दावा पदाधिकाऱ्यांनी श्रीकांत शिंदे यांच्यासमोरच केला. तसेच, देवळाली मतदारसंघात जिल्हापरिषदेची एकही जागा निवडून येऊ शकत नाही, असे सांगत नेत्यांवरच शरसंधान साधले. विद्यमान आमदारांच्या विरोधात कार्यकर्त्यांना बळ दिले जात नसल्याची खंतही शिंदे यांच्यासमोर पदाधिकारी आणि कार्यकर्त्यांनी मांडली. इगतपुरीतही यापेक्षा वेगळी परिस्थिती नसल्याचा दावा यावेळी कार्यकर्त्यांनी केला.Pune News : मी लांडेंना पाडायला 15 वर्ष तुमच्या पाठीशी राहिले, पण… NCP नगरसेविकेचा संताप, भाजपच्या महेश लांडगेंना रस्त्यात अडवून जाब विचारला
महिला आघाडीत गटबाजी
या बैठकीत देवळाली आणि इगतपुरी मतदारसंघातील महिला आघाडीतील गटबाजी आणि मतभेद चव्हाट्यावर आले. देवळालीतील एका महिला पदाधिकाऱ्याने तर संघटनेतील काही महिला पदाधिकारी बैठकीच्या नावाखाली तेल आणि किराण्याचे डबे मागवून पार्टी करीत असल्याचा गौप्यस्फोट केला. तर, अनेक महिला पदाधिकाऱ्यांनी महिला आघाडीतील गटबाजीवर बोट ठेवले. याबाबत श्रीकांत शिंदेंनी मात्र महिला आघाडीत कुठेही गटबाजी नसून, किरकोळ मतभेद असल्याचा दावा केला.
लेखकाबद्दलप्रशांत पाटीलप्रशांत पाटील ‘महाराष्ट्र टाईम्स ऑनलाईन'(TIL) या आघाडीच्या डिजिटल माध्यम समूहात सीनियर डिजिटल कंन्टेट प्रोड्युसर पदावर कार्यरत आहेत. पुणे जिल्ह्यातील नामांकित ‘थोडक्यात’ न्यूज वेब पोर्टल, हैदराबादमधील ‘आधान शॉर्ट न्यूज अॅप’, ‘सकाळ मिडिया ग्रुप’ आणि आता ‘महाराष्ट्र टाइम्स ऑनलाईन’, असा जवळपास पाच ते साडेपाच वर्षांपेक्षा अधिक काळ ते कार्यरत आहेत. प्रशांत पाटील यांना महाराष्ट्रातील ग्रामीण भागातील सर्व गुन्हेगारी, अपघात, शेतकरी विषयक बातम्या, ग्रामीण भागात यश संपादन केलेल्या तरुणी किंवा तरुणांच्या सक्सेस स्टोरीज् आणि महाराष्ट्र हायपर लोकल अशा विविध विषयांची आवड आहे. ऑगस्ट (2026) पासून ‘महाराष्ट्र टाईम्स ऑनलाईन’साठी (TIL) काम करत आहेत. या दरम्यान, राज्यातील विधानसभा, लोकसभा आणि स्थानिक स्वराज्य संस्थाच्या निवडणुकींच्या बातम्यांवर विशेष लक्ष ठेवतात. याआधीही त्यांनी याच माध्यम समूहासोबत तीन वर्ष काम केलं आहे.
प्रशांत पाटील यांनी पुण्यातील नामांकित आबासाहेब गरवारे महाविद्यालयातून मास कम्युनिकेशन विषयात पदव्युत्तर शिक्षण घेतलं आहे. शिक्षण घेत असतानाच त्यांनी ‘थोडक्यात’ या न्यूज वेब पोर्टलला काम केलं. तिथे डिजिटल माध्यमासाठी लेखन करत असताना त्यांना डिजिटल क्षेत्रातलं कसं काम करतात? हे यश संपादन केलं. त्यानंतर त्यांना मुंबईत ‘महाराष्ट्र टाइम्य ऑनलाईन’ (TIL) या नामांकित माध्यम समूहामध्ये काम करण्याची संधी मिळाली. 28 मार्च 2022 रोजी ते ‘महाराष्ट्र टाइम्स ऑनलाईन’ या मोठ्या ब्रँण्डसोबत पहिल्यांदा जोडले गेले. तिथे त्यांनी प्रदीर्घ काळ म्हणजे तीन वर्ष डिजिटल विभागात काम केलं. त्यांनतर त्यांनी फेब्रुवारी 2025 ला ‘सकाळ मिडिया ग्रुप’ला काम करण्याची संधी मिळाली. परंतु तिथे ते काम करत असताना त्यांना पुन्हा ‘महाराष्ट्र टाइम्स ऑनलाईन’ (TIL) या माध्यम समूहाने संधी दिली. त्यानंतर ऑगस्ट 2026 पासून प्रशांत पाटील हे ‘महाराष्ट्र टाइम्स ऑनलाईन’सोबत (TIL) काम करताय.
‘महाराष्ट्र टाइम्स ऑनलाईन’मध्ये (TIL) काम करताना त्यांना खूप मोठमोठ्या संध्या मिळाल्या. जसे की, व्हिडिओ करणे, महाराष्ट्रातील संपूर्ण जिल्ह्यातील रिपोर्टर यांच्याशी समन्वय साधणे, जिल्हा प्रतिनिधींकडून वेळोवेळी काम करुन घेणे, विशेष आणि काही महत्वाच्या बातम्या मागवून घेणे, अशा बऱ्याच गोष्टींची त्यांना इथे मिळाली. प्रशांत पाटील हे सकाळच्या शिफ्टला काम करत असताना लाईव्ह ब्लॉग, रिपोर्टरशी बोलणे, ब्रेकिंग बातम्या, हायपर लोकल बातम्या, ग्रामीण भागातील सर्व घडामोडींकडे लक्ष देण्याचं काम ते करतात.… आणखी वाचा