महापालिका आयुक्तांच्या आदेशानंतर सर्वपक्षीय लोकप्रतिनिधींशी चर्चा करून सर्वसाधारण सभेत पाणी कपातीबाबत अंतिम निर्णय घेतला जाईल. यंदा ‘एल निनो’च्या प्रभावामुळे पाऊस कमी पडण्याची शक्यता व्यक्त केली जात आहे. त्यामुळे धरणांतील पाणीसाठा ३१ ऑगस्टपर्यंत टिकवून ठेवण्याच्या सूचना राज्य सरकारकडून देण्यात आल्या आहेत. या अनुषंगाने जलसंपदा विभागाने पुणे आणि पिंपरी-चिंचवड महापालिकेला पुढील काही महिने १५ टक्के पाणीकपात करण्याची नोटीस बजावली आहे.’

Pune Crime : पुण्यात अल्पवयीन मुलीवर काकाचा अत्याचार, मोबाईल शूटिंग करणारी तक्रारदार मावशीच फिरली, पण पाच पुराव्यांमुळे 25 वर्ष तुरुंगवास
या नोटीशीनंतर ‘पुणेकरांना पाण्याचा एक थेंबही कमी होऊ देणार नाही,’ अशी भूमिका स्थायी समिती अध्यक्ष श्रीनाथ भिमाले यांनी घेतली आहे, तर ‘पाण्याचे नियोजन करण्यासाठी उपाययोजना केल्या जातील,’ असे महापालिका आयुक्त नवलकिशोर राम यांनी स्पष्ट केले आहे.

पुणे शहराला खडकवासला, पानशेत, वरसगाव आणि टेमघर या चार धरणांतून दररोज सुमारे १६०० ‘एमएलडी’ पाणीपुरवठा केला जातो. पावसाळा उशिरा सुरू झाल्यास उपलब्ध साठा टिकवून ठेवणे आव्हानात्मक ठरणार असल्याने आतापासूनच नियोजनावर भर देण्यात येत आहे. महापालिकेच्या अंदाजानुसार, आठवड्यातून एक दिवस पाणीपुरवठा बंद ठेवल्यास सुमारे १० टक्के पाण्याची बचत होऊ शकते, तर दिवसाआड पाणीपुरवठा केल्यास ही बचत २५ टक्क्यांपर्यंत जाऊ शकते. या दोन्ही पर्यायांतील तांत्रिक अडचणी आणि प्रत्यक्ष परिणामांचा सविस्तर अहवाल तयार करून आयुक्तांकडे सादर केला जाणार आहे.

Pune Crime: प्रेमात अडथळा, जन्मदात्या आईनेच प्रियकराच्या मदतीने 6 वर्षीय मुलाला संपवलं, खेड तालुक्यातील घटना
‘स्काडा’द्वारे नियंत्रण
शहरातील टँकर पाणीपुरवठ्यातील अनियमितता, अपघात आणि पाणीचोरीच्या घटनांवर अंकुश आणण्यासाठी महापालिकेने कडक पावले उचलली आहेत. टँकरमाफियांवर नियंत्रण मिळवण्यासाठी स्वतंत्र नियमावली तयार करण्याचा निर्णय घेतला असून, पाणीपुरवठ्याच्या संपूर्ण प्रक्रियेवर नजर ठेवण्यासाठी ‘स्काडा’ प्रणाली लागू करण्याचा निर्णय घेण्यात आला आहे. शहरातील ज्या भागांमध्ये पाइपलाइनद्वारे पाणीपुरवठा शक्य नाही, त्या ठिकाणी सध्या सुमारे ८१६ टँकरद्वारे पाणीपुरवठा केला जातो. या व्यवस्थेसाठी महापालिका कोट्यवधी रुपये खर्च करते. मात्र, काही टँकरचालकांकडून महापालिकेकडून मोफत पाणी घेऊन त्याची अन्यत्र विक्री केल्याचे प्रकार उघडकीस आले आहेत. वाहतूक नियमांचे उल्लंघन आणि बेफिकीर वाहनचालनामुळे अपघातांची मालिकाही सुरू असून, महंमदवाडी परिसरातील अलीकडील अपघातानंतर हा मुद्दा अधिकच गंभीर ठरला आहे.

प्रस्तावित कपात -१५ टक्के पुणे महानगरपालिका
पर्याय -१ आठवड्यातून एक दिवस पाणीबंद
पर्याय -२ दिवसाआड पाणीपुरवठा
बचत -१० ते २५ टक्के
पाणीस्रोत -खडकवासला, पानशेत, वरसगाव, टेमघर
दैनंदिन वापर -१५६० दशलक्ष लिटर