कशामुळे पाणी पुरवठा खंडीत?

गोरेगाव-मुलुंड लिंक रोडच्या पहिल्या टप्प्याचं काम सुरू आहे. यामध्ये दादासाहेब फाळके चित्रनगरी ते दिंडोशी न्यायालयापर्यंत उड्डाणपूल उभारण्यात येत आहे. यामध्ये दादासाहेब फाळके चित्रनगरीजवळ एक पोहच रस्ता बांधण्यात येत असून त्यामुळे या भागात जलवाहिनीचे काम हाती घेण्यात येणार आहे. या कामांत 750 मीटर व्यासाच्या जलवाहिनीच्या जोडणीचं काम 10 ते 11 मार्चदरम्यान करणार आहे. यामुळे गोरेगावमधील पी पूर्व आणि पी दक्षिण विभागीतील काही परिसरांमध्ये पाणी पुरवठा खंडीत होणार आहे. दरम्यान, काही भागांत कमी दबाने पाणी पुरवठा केला जाणार आहे.Mumbai-Pune Expressway: मुंबई-पुणेदरम्यान तिसरा द्रुतगती मार्ग, लोणावळा-खोपोली नवा रस्ता; बोगदे, उड्डाणपुलांचा समावेश

कुठे होणार परिणाम?

पी पूर्व वॉर्डमध्ये शिवशाही प्रकल्पात रात्री 11.45 ते सकाळी 5.45पर्यंत नियमित पाणी पुरवठा सुरू राहणार आहे. श्रीकृष्ण नगर आणि इंदिरा गांधी संशोधन संस्थेमध्ये पहाटे 3.30 ते सकाळी 9.00 दरम्यान नियमितपणे पाणी पुरवठा सुरू राहील. पी साउथ वॉर्डमध्ये उपग्रह टॉवर, संतोष नगर, माळी नगर, हेबल पाडा, उमरशेठ पाडा, नागरमोडे पाडा, सुनील मैदान, फिल्म सिटी रोड परिसरात मध्यरात्री 12 ते पहाटे 3 पर्यंत पाणी पुरवठा सुरू राहील. इतर वेळेत पाणी पुरवठा पूर्णपणे बंद राहणार आहे.

Mumbai News: मुंबईत जलमार्गाचे जाळे विस्तारणार, 11 नव्या मार्गांवर 24 टर्मिनल उभारणार; नवीन जेट्टीसह वाढवण बंदराचाही विकास

दरम्यान, पी साउथ वॉर्डमधील मोहन गोखले रोड, कृषणा वाटिका रोड, साई मार्ग आणि आर्य भास्कर रोडवर मध्यरात्री 12 ते पहाटे 3 पर्यंत नियमित पाणी पुरवठा सुरू राहणार आहे. इतर वेळेत कमी दाबाने पाणीपुरवठा सुरू असेल. महापालिकेने रहिवाशांना काटकसरीने पाण्याचा वापर करून पाणी साठवून ठेवण्याचा सल्ला दिला आहे. तसेच काम पूर्ण झाल्यानंतर काही दिवस पाणी गढूळ दिसू शकते त्यामुळे पाणी फिल्टर करून किंवा उकळून पिण्याचा सल्ला त्यांना देण्यात आला आहे.